Ruka 24:30 - Rapa Nui

³⁰ I noho era ꞌi ruŋa i te ꞌamuramaꞌa mo kai, he toꞌo e Ietū i te haraoa ki tōꞌona rima, he māuru-uru ki te ꞌAtua, he mo-more ꞌe he vaꞌai ki rā ŋā kope.

Ruka 24:30 ပူးပေါင်းရင်းမြစ်များ

Māteo 14:19

He kī takoꞌa ki te taŋata taꞌatoꞌa mo no-noho ꞌi ruŋa i te mauku. I oti era he toꞌo i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. He more-more ia i tū ŋā meꞌe era, he vaꞌai ki te nuꞌu hāpī ꞌāꞌana, ꞌe he tuhaꞌa e rāua ki te taŋata.

Māteo 15:36

He toꞌo i tū ŋā haraoa era e hitu ꞌe i tū ŋā ika era, he māuru-uru ki te ꞌAtua, he more-more he vaꞌai ki tāꞌana nuꞌu hāpī, ꞌe o rāua i tuhaꞌa ki te taŋata.

Māteo 26:26

E ka-kai nō ꞌana ananake, he toꞌo e Ietū i te haraoa e tahi, he māuru-uru ki te ꞌAtua, he more-more, he tuhaꞌa ki tāꞌana nuꞌu hāpī ꞌe he kī: «Ka kai kōrua i te haraoa ena; he hakari ōꞌoku».

Marko 14:22

E ka-kai nō ꞌā, he toꞌo e Ietū i te haraoa, he māuru-uru ki te ꞌAtua, he more-more ꞌe he tuhaꞌa ki tāꞌana nuꞌu hāpī he kī: «Ka kai kōrua i te haraoa ena; he hakari ōꞌoku».

Marko 6:41

He toꞌo ia e Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. I oti era, he more-more i te haraoa, he vaꞌai ki tāꞌana nuꞌu hāpī mo tuhaꞌa ki te taŋata. ꞌE he tuhaꞌa takoꞌa i tū ika era.

Marko 8:6

He hārui e Ietū, he kī ki te nuꞌu taꞌatoꞌa o ira mo no-noho ki raro. He toꞌo i rā ŋā haraoa, he māuru-uru ki te ꞌAtua, ꞌe he more-more he vaꞌai ki tāꞌana nuꞌu hāpī mo tuhaꞌa ki te taŋata, ꞌe pē ira i aŋa ai.

Ruka 22:19

He toꞌo ia i te haraoa. I oti era te māuru-uru ki te ꞌAtua, he more-more he tuhaꞌa ki tū nuꞌu era koia ko kī: «Te haraoa ena he hakari ōꞌoku vaꞌai ki te mate mo te riva-riva o kōrua. E aŋa te meꞌe nei mo manaꞌu o kōrua ki a au».

Ruka 24:29

He kī e tū nuꞌu era: —Ka noho mai koe. Nā ko ahi-ahi ꞌā ꞌe pe te ꞌata pō e oho ena. He uru ia a Ietū ki roto i te hare he noho ananake.

Ruka 24:35

He ꞌaꞌamu ia e tū ŋā kope era i tū meꞌe topa era ꞌi te ara, ꞌe pē hē i aŋi-aŋi ai e rāua i a Ietū ꞌi te hora mo-more i te haraoa.

Ruka 9:16

He toꞌo ia a Ietū i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua, he more-more ꞌe he vaꞌai ki tāꞌana nuꞌu hāpī mo tuhaꞌa.

Iovani 6:11

He toꞌo ia e Ietū i tū haraoa era ki te rima ꞌe ki oti te māuru-uru ki te ꞌAtua, he tuhaꞌa ki te nuꞌu taꞌatoꞌa. Pē ira takoꞌa i aŋa ai i te ika, ꞌe he vaꞌai ki te taꞌatoꞌa rahi nō era o rāua i haŋa.

Aŋa o te ꞌĀpōtoro 2:42

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

Aŋa o te ꞌĀpōtoro 27:35

I kī era i te meꞌe nei, he toꞌo a Pauro i te haraoa ki tōꞌona rima, he māuru-uru ki te ꞌAtua ꞌi muꞌa o tū nuꞌu taꞌatoꞌa era, he mo-more ꞌe he haꞌamata he kai.