Ruka 24:27 - Rapa Nui

²⁷ He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Ruka 24:27 ပူးပေါင်းရင်းမြစ်များ

Marko 4:34

ꞌIna e tahi meꞌe i hāpī e Ietū i taꞌe ai hai ꞌaꞌamu haꞌaauraꞌa, ꞌe ki topa ananake ko tāꞌana nuꞌu hāpī, e haka ꞌite tahi era e ia i te auraꞌa o rā ŋā ꞌaꞌamu.

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 1:45

He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.

Iovani 12:41

I kī ai a ꞌItaia i te vānaŋa nei ꞌi te meꞌe era ko haka takeꞌa era ꞌā e te ꞌAtua ki a ia ꞌi muꞌa ꞌā i te pūai o Ietū; ꞌo ira i vānaŋa ai o ruŋa.

Iovani 5:37

»ꞌE tōꞌoku Matuꞌa uŋa mai era i vānaŋa takoꞌa rō o ruŋa i a au, ka ai atu ꞌina kōrua kai ŋaroꞌa ꞌā i tōꞌona reꞌo ꞌe kai takeꞌa ꞌā i a ia.

Iovani 5:39

He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Aŋa o te ꞌĀpōtoro 10:43

»Te perofeta taꞌatoꞌa o muꞌa ꞌā ko vānaŋa era ꞌana o ruŋa i a Ietū, ꞌe ko kī era ꞌā: hai meꞌe ka aŋa era e ia, te hara o te nuꞌu taꞌatoꞌa haka moe i te manaꞌu ꞌi ruŋa i a ia ka haka kore ena e te ꞌAtua.

Aŋa o te ꞌĀpōtoro 3:18

Pē ira te ꞌAtua i haka tano ai i te meꞌe kī ꞌi muꞌa ꞌā ki tāꞌana perofeta taꞌatoꞌa mo haka ꞌite: tāꞌana Kiritō e mate rō.

Aŋa o te ꞌĀpōtoro 3:22

I haka ꞌite rō e ⌊Mōtē⌋ ki te tātou tupuna: “Te ꞌAtua e haꞌataꞌa rō mai roto i a kōrua i te perofeta e tahi pa he haꞌataꞌa iŋa nei i a au. E haꞌatura te meꞌe taꞌatoꞌa ka kī atu ena.

Aŋa o te ꞌĀpōtoro 3:24

»Te perofeta taꞌatoꞌa, mai a ⌊Tamuere⌋ pe muꞌa, i vānaŋa takoꞌa rō o ruŋa i te ŋā mahana nei.

Aŋa o te ꞌĀpōtoro 7:37

»Ko te Mōtē mau nei ꞌā te meꞌe kī era ki te itaraera: “E haꞌataꞌa rō e te ꞌAtua mai roto i a kōrua e tahi perofeta pa he haꞌataꞌa iŋa nei i a au”.

Aŋa o te ꞌĀpōtoro 8:35

He haꞌamata ia a Feripe he haka ꞌite, mai tū kona taiꞌo mau era ꞌā, i te ⌊roŋo riva-riva o ruŋa i a Ietū⌋.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.