Ruka 23:5 - Rapa Nui

⁵ He ꞌata kī e tū nuꞌu era: —Hai hāpī ꞌāꞌana e haka tumu ena i te ture ꞌi roto i te taŋata. I haꞌamata ai ꞌi Karirea, ꞌe, hora nei, ꞌī e aŋa ꞌā ꞌi Hūrea.

Ruka 23:5 ပူးပေါင်းရင်းမြစ်များ

Māteo 11:1

I oti era a Ietū te uŋa ꞌe te kī i te meꞌe mo aŋa e tū hoꞌe ꞌahuru mā piti nuꞌu hāpī era ꞌāꞌana, he oho he hāpī ꞌe he haka ꞌite i te ⌊roŋo riva-riva o te ꞌAtua⌋ ꞌi te kona taꞌatoꞌa o ira.

Māteo 2:1

A Ietū i poreko ai ꞌi Vērene, he kona e tahi o Hūrea, ꞌi te noho iŋa ko ⌊ꞌErore⌋ te ꞌariki o rā kona. ꞌI rā ŋā mahana i tuꞌu ai ki Hērutarema, mai te pāꞌiŋa eꞌa o te raꞌā, te nuꞌu maꞌori hāpī i te hetuꞌu.

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 1:14

I puru era ꞌi roto i te hare maꞌuꞌaurī e ⌊ꞌErore⌋ i a Iovani, he hoki a Ietū ki Karirea he haꞌamata he haka ꞌite i te ⌊roŋo riva-riva o te ꞌAtua⌋.

Ruka 11:53

I eꞌa era a Ietū mai ira, he riri rō atu ꞌai te nuꞌu maꞌori o te haka tere hūrio ꞌe te fariseo. ꞌE mai rā mahana he haꞌamata e rā nuꞌu he haka tāika hai haka ꞌui-ꞌui ki a Ietū

Ruka 23:23

ꞌE te taŋata, ꞌai e ꞌata ohu era: —¡Ka veo ꞌi ruŋa i te tātaurō! ꞌI te rahi o te ohu-ohu iŋa, he haka roŋo e Pirato.

Ruka 23:6

I ŋaroꞌa era e Pirato i te meꞌe kī e rā nuꞌu, he ꞌui hoki a Ietū o Karirea, kona haka tere e ꞌErore.

Iovani 1:43

ꞌI te rua mahana, he eꞌa he oho a Ietū ki Karirea. ꞌI ira i piri ai ki a Feripe ꞌe he kī: «Ka oho mai koe mo taŋata hāpī ꞌāꞌaku».

Iovani 19:15

He ohu atu e tū nuꞌu era: —¡Ka haka kore! ¡Ka veo ꞌi ruŋa i te tātaurō! He ꞌui e Pirato: —¿E haŋa ꞌā a kōrua mo veo ōꞌoku i te kōrua ꞌariki ꞌi ruŋa i te tātaurō? He pāhono e te nuꞌu oromatuꞌa ra-rahi: —¡E tahi mau nō mātou ꞌariki: he ꞌariki ena o te rōmano!

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 7:41

Tētahi e kī era: «Te kope era he Kiritō». ꞌE tētahi atu e kī era: «ꞌIna. Taꞌe, paꞌi, o te kona era ko Karirea te Kiritō.

Iovani 7:52

He pāhono e rā nuꞌu: —¿A koe takoꞌa o Karirea? Ka hāpī i te meꞌe hāꞌaki ꞌi ruŋa i te Pāpaꞌi Moꞌa ꞌe he takeꞌa e koe mau ꞌā ꞌina he perofeta o Karirea. [

Aŋa o te ꞌĀpōtoro 10:37

A kōrua ko ꞌite ꞌā o ruŋa i te meꞌe i topa ꞌi te kona taꞌatoꞌa o te mātou henua. I haꞌamata ai ꞌi Karirea ꞌi te hora ko oti ꞌā te kī e ⌊Iovani⌋ mo ⌊papatito⌋ o te taŋata.

Aŋa o te ꞌĀpōtoro 23:10

I ꞌata pūai era te ture, he riꞌa-riꞌa te kōmana ꞌo tiŋaꞌi e te nuꞌu i a Pauro ki te piꞌi-piꞌi. ꞌO ira i kī ai ki te vaꞌehau mo toꞌo i a Pauro ꞌe mo maꞌu haka ꞌou ki tū kona hare era o rāua.

Aŋa o te ꞌĀpōtoro 5:33

I ŋaroꞌa era i te meꞌe nei e tū nuꞌu ra-rahi era, he ꞌata riri rō atu ꞌai, ꞌe he haŋa ananake mo tiŋaꞌi mo haka mate i tū nuꞌu era.

Aŋa o te ꞌĀpōtoro 7:54

I ŋaroꞌa era i te meꞌe taꞌatoꞌa nei e rā nuꞌu, he ŋuŋu te niho mo ꞌĒteva.

Aŋa o te ꞌĀpōtoro 7:57

ꞌO ŋaroꞌa i tū vānaŋa era, he puru tū nuꞌu era i te rāua tariŋa hai rima ꞌe he ohu-ohu mo haka pōŋeha. He moko ananake he ꞌa-ꞌaru i a ꞌĒteva.