Ruka 23:42 - Rapa Nui

⁴² He kī haka ꞌou e tū kope era: —E Ietū, e manaꞌu koe ki a au ꞌi te hora o tuꞌu haka tere iŋa pa he ꞌariki.

Ruka 23:42 ပူးပေါင်းရင်းမြစ်များ

Ruka 12:8

»ꞌĪ a au he kī atu: te kope kī ꞌi muꞌa i te taŋata e haŋa rō mai ꞌana ki a au, pē ira takoꞌa ꞌana a au, te ⌊Poki o te taŋata⌋, ka kī ena mōꞌona ꞌi muꞌa o te merahi o te ꞌAtua.

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Ruka 23:41

Te ūtuꞌa nei e tano rō ꞌā mo tāua, he ꞌauhau o te meꞌe taꞌe tano aŋa. ꞌE te taŋata ena ꞌina e tahi ōꞌona hape.

Ruka 23:43

He pāhono e Ietū: —ꞌĪ a au he kī atu: ꞌarīnā mau nei ꞌā ꞌi muri i a au koe ꞌi te kona o tōꞌoku Matuꞌa.

Ruka 24:26

¿Taꞌe ꞌō ꞌi raꞌe te ŋā meꞌe taꞌatoꞌa ena ana topa ki a ia, ꞌe ꞌai ka vaꞌai iho e te ꞌAtua i te tōroꞌa he Pūꞌoko Haka Tere o te meꞌe taꞌatoꞌa?

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Aŋa o te ꞌĀpōtoro 16:31

He pāhono e kuā Pauro: —Mo haka moe kōrua i te manaꞌu ꞌi ruŋa i a Ietū, he eꞌa a koe ꞌe te nuꞌu o tuꞌu hare mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

1 Pētero 1:11

Te meꞌe o rāua i haŋa mo aŋi-aŋi o rā roŋo: a hē ꞌe pē hē ka tano te meꞌe kī era ki a rāua e te Vārua o te ⌊Kiritō⌋ pē nei ē: e topa rō te ꞌati ꞌi ruŋa i te Kiritō ꞌe ki oti he haka nui-nui.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.