Ruka 23:4 - Rapa Nui

⁴ He kī ia e Pirato ki tū ŋā ⌊oromatuꞌa ra-rahi⌋ era ꞌe ki te taŋata taꞌatoꞌa ꞌi ira: —Ki tōꞌoku uꞌi, ꞌina e tahi meꞌe rake-rake o te taŋata nei i aŋa ki tano ai mo haka ūtuꞌa.

Ruka 23:4 ပူးပေါင်းရင်းမြစ်များ

Māteo 27:19

E noho nō ꞌā a Pirato ꞌi te kona ture, i tuꞌu ai te roŋo o tāꞌana viꞌe pē nei ē: «ꞌIna koe ko aŋa e tahi meꞌe ki te taŋata taꞌe hara ena. I moe vārua rō, paꞌi, a au o ruŋa i a ia ꞌi te pōꞌā ꞌe he huru kē rō atu ꞌai a au».

Marko 15:14

He ꞌui e Pirato: —¿He aha tāꞌana meꞌe taꞌe tano i aŋa? He ꞌata ohu e rā nuꞌu: —¡Ka veo ꞌi ruŋa i te tātaurō!

Ruka 23:22

He toru kī iŋa nei o Pirato ki te nuꞌu: —¿He aha tāꞌana meꞌe taꞌe tano i aŋa? ꞌIna e tahi meꞌe rake-rake e au i takeꞌa mo haka ūtuꞌa i a ia hai mate. ꞌĪ a au he haka tiŋaꞌi. Ki oti he haka rē mo oho.

Iovani 18:38

He ꞌui e Pirato: —¿He aha te meꞌe he parautiꞌa? I oti era te ꞌui i te meꞌe nei, he eꞌa haka ꞌou a Pirato he vānaŋa ki te hūrio, he kī: —Kai ravaꞌa e au e tahi hape o te taŋata nei mo haka ūtuꞌa i a ia.

Aŋa o te ꞌĀpōtoro 25:25

Ki tōꞌoku uꞌi, ꞌina a ia kai aŋa i te meꞌe taꞌe tano ki tano ai mo tiŋaꞌi. ꞌE, ꞌi te kī mai ōꞌona mo ture i a ia e te tātou ꞌariki ꞌi Roma, i manaꞌu ai e au mo haka maꞌu ki a ia.

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

1 Pētero 1:19

hai toto hauhaꞌa era o te Kiritō, kope pa he māmoe mo tūtia ꞌina e tahi ōꞌona hape, i toꞌo ai i a kōrua.

1 Pētero 2:22

Kai hara te ⌊Kiritō⌋ ꞌe kai reo-reo ki te hora hopeꞌa.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.