Ruka 23:37 - Rapa Nui

³⁷ ꞌe hai kī pē nei ē: «¡Mo ai ōꞌou he ꞌAriki o te hūrio, ka haka ora koe i a koe ꞌā!».

Ruka 23:37 ပူးပေါင်းရင်းမြစ်များ

Māteo 27:42

«Ko haka eꞌa ꞌana i te tētahi taŋata mai roto i te rāua ꞌati, ꞌe, ¿e ko ravaꞌa mo haka ora i a ia mau era ꞌā? ¿Taꞌe ꞌō he ꞌAriki o te itaraera? ¡Mo topa mai ōꞌona mai ruŋa i te tātaurō, he haka moe mātou i te manaꞌu ꞌi ruŋa i a ia!

Māteo 27:43

Te kope ena e haka moe rō ꞌana i tōꞌona manaꞌu ꞌi ruŋa i te ꞌAtua. ¡Ka haka ora ia e te ꞌAtua ꞌi te hora ena, ana ai e haŋa mau rō ꞌā ki a ia! ¿Taꞌe ꞌō ko kī mai ꞌana he Poki a ia o te ꞌAtua?».

Marko 15:26

ꞌI te pūꞌoko o rā tātaurō i huki ai te miro e hāꞌaki rō ꞌā: «He ꞌAriki o te hūrio», he haka ꞌite iŋa i te tumu o tōꞌona ūtuꞌa.

Ruka 23:39

E tahi o tū ŋā taparahi-taꞌata veo era ꞌi muri i a Ietū pē rā ꞌā e kī era: —Mo ai ōꞌou he Kiritō, ¡ka haka ora koe i a koe ꞌe pē ira ꞌā i a māua!