Ruka 23:27 - Rapa Nui

²⁷ Meꞌe rahi te nuꞌu oho ꞌi tuꞌa o Ietū, ꞌe ꞌi roto te ŋā viꞌe e ta-taŋi ꞌā ꞌi te ꞌaroha i a ia.

Ruka 23:27 ပူးပေါင်းရင်းမြစ်များ

Māteo 11:17

“Ko haka taŋi atu ꞌana a mātou i te peho reka, ꞌina a kōrua he ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Māteo 27:55

ꞌI rā kona, mai kōnui ꞌā, e uꞌi era meꞌe rahi nō atu ŋā viꞌe oho ananake ko kuā Ietū mai Karirea hāꞌūꞌū ki a ia.

Marko 15:40

ꞌI rā kona takoꞌa te ŋā viꞌe e uꞌi era mai kōnui. ꞌI roto o rā ŋā viꞌe a Māria Matarena, a ⌊Māria⌋, matuꞌa vahine o ⌊Kōsē⌋ ararua ko ⌊Tanatiako⌋ ꞌIti-ꞌiti, ꞌe a Taromē.

Ruka 23:28

He hārui he uꞌi e Ietū ꞌe he kī: «E te ŋā viꞌe o Hērutarema ē, ꞌina kōrua ko ta-taŋi mōꞌoku. Ka ta-taŋi mo te kōrua ŋā poki ꞌe mo kōrua mau ꞌā.

Ruka 23:55

Te ŋā viꞌe tuꞌu ꞌi muri i a Ietū mai Karirea he oho he uꞌi i tū kona era ꞌe pē hē i haka rē ai i te hakari o Ietū.

Ruka 8:2

ꞌe tētahi ŋā viꞌe haka ora e ia i te māui-ui ꞌe tētahi haka eꞌa i te tātane mai roto. ꞌI roto o rā ŋā viꞌe a ⌊Māria⌋, kī takoꞌa ko Matarena, viꞌe mai roto i haka eꞌa ai e hitu tātane;

Ruka 8:52

Te nuꞌu taꞌatoꞌa o roto i rā hare e ta-taŋi ꞌana ꞌi te haka ꞌaroha ꞌi te poki. He kī e Ietū: «ꞌIna kōrua ko ta-taŋi; ꞌina he poki kai mate, e haꞌuru nō ꞌā».

Iovani 16:20

ꞌĪ a au he kī atu: e ta-taŋi rō ꞌe e koromaki rō kōrua, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e koa rō. ꞌE, ka ai atu e koromaki rō kōrua, te koromaki era e huri rō ki te koa.