Pē ira nei kope i oho i uꞌi ai i te nuꞌu oromatuꞌa ra-rahi ꞌe i te kape o te mūtoꞌi ꞌauario i te ⌊Kona Haꞌamuri ꞌAtua⌋ mo haꞌaꞌau pē hē ana vaꞌai i a Ietū ki a rāua.
(Hai moni ꞌauhau o te meꞌe taꞌe tano aŋa e ia i hoꞌo ai i te henua e tahi. ꞌE mai te kona ruŋa nui o ira i viri ai hai pūꞌoko ꞌe he ŋāꞌaha-ꞌaha tahi te kōkoma ki haho.
Ko oho ꞌana, paꞌi, a te ara kē mai te ara tī-tika o te ꞌAtua. Te meꞌe aŋa oho he meꞌe aŋa e te perofeta era ko ⌊Vārama⌋, poki ꞌa Vōtoro, ꞌi te hora haŋa mo aŋa i te meꞌe taꞌe tano mo ravaꞌa moni.
ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.
¡ꞌAu-auē te nuꞌu ena! Ko oho ꞌana a te ara taꞌe tano pē ⌊Kāiŋa⌋. ꞌI te haŋa ki te moni, ko haka tapa ꞌā mai te ara o te ꞌAtua, pē ⌊Vārama⌋, ꞌe, ꞌi te haka ꞌāriŋa mau era ꞌā o rāua, pē Kōrē ka mā-mate ena.
