Ruka 22:34 - Rapa Nui

³⁴ He pāhono e Ietū: —E Pētero, ꞌī a au he kī atu: ꞌarīnā mau nei ꞌā, e ko ꞌoꞌoa hia te moa, ka kī ena e koe e toru kī iŋa kai ꞌite koe ko ai a au.

Ruka 22:34 ပူးပေါင်းရင်းမြစ်များ

Māteo 26:34

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te moa, ka kī ena koe ki te nuꞌu e toru kī iŋa kai ꞌite koe ko ai a au.

Māteo 26:74

He kī e Pētero: —¡He hōrea atu au hai ꞌīŋoa o te ꞌAtua, kai ꞌite a au ko ai te taŋata ena, ꞌe ka hoa a au ki roto i te pōꞌauahi mo ai e reo-reo atu ꞌana a au! ꞌI rā hora mau ꞌana he ꞌoꞌoa te moa.

Marko 14:30

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te rua ꞌoꞌoa iŋa o te moa, ka kī rō ena koe ki te nuꞌu e toru kī iŋa kai ꞌite koe ko ai a au.

Ruka 22:33

He kī e Tīmona: —E Ietū, mo maꞌu i a koe mo puru ꞌi roto i te hare maꞌuꞌaurī, ꞌi muri i a koe ꞌana a au; ꞌe mo mate ōꞌou, ꞌātā e vaꞌai nō a au i a au mo mate ꞌi muri i a koe.

Ruka 22:35

I oho era he ꞌui e Ietū: —I uŋa era a au i a kōrua ꞌina e tahi meꞌe maꞌu mo te ara, ¿i hape rō te kōrua meꞌe? He pāhono e tū nuꞌu era: —ꞌIna.

Ruka 22:61

He hārui a Ietū he uꞌi ki a Pētero. He topa te manaꞌu o Pētero ki tū meꞌe kī era e Ietū: «ꞌArīnā mau nei ꞌā, e ko ꞌoꞌoa hia te moa, ka kī rō ena e koe e toru kī iŋa kai ꞌite koe ko ai a au».

Iovani 13:38

He pāhono e Ietū: —¿He parautiꞌa mau ꞌā e vaꞌai rō koe i a koe ki te mate mōꞌoku? ꞌĪ a au he kī atu: e ko ꞌoꞌoa hia te moa ka kī ena e koe e toru kī iŋa kai ꞌite koe ko ai a au.

Iovani 18:27

Taꞌe ko ia rā meꞌe i kī haka ꞌou ai e Pētero. ꞌE ꞌi rā hora mau ꞌā i ꞌoꞌoa ai te moa.