Ruka 22:33 - Rapa Nui

³³ He kī e Tīmona: —E Ietū, mo maꞌu i a koe mo puru ꞌi roto i te hare maꞌuꞌaurī, ꞌi muri i a koe ꞌana a au; ꞌe mo mate ōꞌou, ꞌātā e vaꞌai nō a au i a au mo mate ꞌi muri i a koe.

Ruka 22:33 ပူးပေါင်းရင်းမြစ်များ

Māteo 20:22

He pāhono e Ietū: —Kai ꞌite kōrua he aha te kōrua meꞌe e no-noꞌi mai ena. ¿E ꞌite rō kōrua mo haꞌaoromaꞌi i te ꞌati pē au ka haꞌaoromaꞌi nei i te ꞌati ka topa mai ena? He kī e rā ŋā kope: —ꞌĒ-ē, e haꞌaoromaꞌi nō e māua.

Marko 14:29

He kī e Pētero: —Mo haka rehu i a koe e te nuꞌu taꞌatoꞌa ena, māꞌaku koe e taꞌe haka rehu.

Marko 14:31

He kī haka ꞌou ia e Pētero: —¡Ka ai atu he mate a au ꞌi muri i a koe, e ko kī au, ki te hora hopeꞌa, kai ꞌite a au ko ai a koe! ꞌE ꞌai te tētahi nuꞌu hāpī ꞌa Ietū e kī takoꞌa atu era pē ira.

Ruka 22:34

He pāhono e Ietū: —E Pētero, ꞌī a au he kī atu: ꞌarīnā mau nei ꞌā, e ko ꞌoꞌoa hia te moa, ka kī ena e koe e toru kī iŋa kai ꞌite koe ko ai a au.

Ruka 22:57

He kī e Pētero: —Kai ꞌite a au ko ai te kope ena.

Iovani 13:38

He pāhono e Ietū: —¿He parautiꞌa mau ꞌā e vaꞌai rō koe i a koe ki te mate mōꞌoku? ꞌĪ a au he kī atu: e ko ꞌoꞌoa hia te moa ka kī ena e koe e toru kī iŋa kai ꞌite koe ko ai a au.

Aŋa o te ꞌĀpōtoro 21:13

He pāhono mai e Pauro: «¿He aha rā a kōrua e haka mamae ena i tōꞌoku māhatu hai taŋi o kōrua? Taꞌe nō mo here-here a au e noho atu ena, ꞌātā mo mate takoꞌa ꞌi Hērutarema o ruŋa i a Ietū, he Pūꞌoko Haka Tere o tātou».