Ruka 22:20 - Rapa Nui

²⁰ I oti era te kai he toꞌo haka ꞌou a Ietū i te hapaina vino ꞌe he kī: «Te meꞌe nei he toto ōꞌoku ka tehe ena mo te riva-riva o kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋.

Ruka 22:20 ပူးပေါင်းရင်းမြစ်များ

Māteo 26:28

He toto nā ōꞌoku ka tehe ena mo te riva-riva o te taŋata, mo haka kore o te rāua hara. Hai nā toto ka tāpaꞌo ena i te ⌊haka tere iŋa ꞌāpī o te ꞌAtua ananake ko te taŋata⌋.

Marko 14:24

ꞌE he kī: «He toto nā ōꞌoku ka tehe ena mo te riva-riva o te taŋata; hai nā toto ka tāpaꞌo ena te ⌊haka tere iŋa ꞌāpī o te ꞌAtua ananake ko te taŋata⌋ ⌊haka moe i te manaꞌu⌋ ꞌi ruŋa i a au.

1 Kōrinto 11:25

ꞌE pē ira takoꞌa ꞌana, i oti era te kai, he toꞌo i te hapaina vino ki tōꞌona rima ꞌe he kī: «Te meꞌe nei he toto ōꞌoku ka pariŋi ena mo kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋. E aŋa i te meꞌe nei pa he meꞌe mo manaꞌu ki a au». Pē ira i kī ai e Ietū.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

ꞌEvereo 9:15

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.

ꞌEvereo 9:17

ꞌIna e tahi hauhaꞌa, paꞌi, o rā parau mo ai e ora nō ꞌā te kope era ꞌāꞌana i pāpaꞌi; e mate ki hauhaꞌa iho ai.