Ruka 22:19 - Rapa Nui

¹⁹ He toꞌo ia i te haraoa. I oti era te māuru-uru ki te ꞌAtua, he more-more he tuhaꞌa ki tū nuꞌu era koia ko kī: «Te haraoa ena he hakari ōꞌoku vaꞌai ki te mate mo te riva-riva o kōrua. E aŋa te meꞌe nei mo manaꞌu o kōrua ki a au».

Ruka 22:19 ပူးပေါင်းရင်းမြစ်များ

Māteo 14:19

He kī takoꞌa ki te taŋata taꞌatoꞌa mo no-noho ꞌi ruŋa i te mauku. I oti era he toꞌo i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. He more-more ia i tū ŋā meꞌe era, he vaꞌai ki te nuꞌu hāpī ꞌāꞌana, ꞌe he tuhaꞌa e rāua ki te taŋata.

Māteo 15:36

He toꞌo i tū ŋā haraoa era e hitu ꞌe i tū ŋā ika era, he māuru-uru ki te ꞌAtua, he more-more he vaꞌai ki tāꞌana nuꞌu hāpī, ꞌe o rāua i tuhaꞌa ki te taŋata.

Ruka 22:17

He toꞌo ia i te hapaina vino ki tōꞌona rima. I oti era te māuru-uru ki te ꞌAtua, he kī: «Ka toꞌo te meꞌe nei ꞌe ꞌai ka vaꞌai ka oho rō ki te taꞌatoꞌa o kōrua mo unu.

Ruka 22:20

I oti era te kai he toꞌo haka ꞌou a Ietū i te hapaina vino ꞌe he kī: «Te meꞌe nei he toto ōꞌoku ka tehe ena mo te riva-riva o kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋.

Ruka 24:30

I noho era ꞌi ruŋa i te ꞌamuramaꞌa mo kai, he toꞌo e Ietū i te haraoa ki tōꞌona rima, he māuru-uru ki te ꞌAtua, he mo-more ꞌe he vaꞌai ki rā ŋā kope.

Iovani 6:23

ꞌĪ ia te tētahi nuꞌu o Tīvēria ko tuꞌu ꞌā a ruŋa i te vaka ki te kona e tahi hāhine ki tū kona kai era i te haraoa ki oti a Ietū te māuru-uru ki te ꞌAtua.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

1 Kōrinto 10:16

Hora ena o tātou o te nuꞌu ⌊haka moe i te manaꞌu⌋ ꞌi ruŋa i a Ietū e piri ena mo haka manaꞌu o ruŋa i tōꞌona mate, e ai rō ꞌana te tātou meꞌe unu, ꞌe mo rā meꞌe e māuru-uru nei tātou ki te ꞌAtua. He tāpaꞌo ko maꞌitaki ꞌana tātou ꞌi te toto o te Kiritō. ꞌE te haraoa mo-more kai e tātou he tāpaꞌo pē nei ē: mo tātou takoꞌa te meꞌe riva-riva ravaꞌa hai mate era o te Kiritō.

1 Kōrinto 10:4

ꞌe i haka unu rō hai vai haka eꞌa mai roto i te māꞌea. Te māꞌea nei ko Ietū hokorua i a rāua ꞌi te ara.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Karatia 4:25

Te viꞌe nei ko ꞌĀkara pa he tāpaꞌo o te maꞌuŋa era ko Tinaī ꞌi te henua era ko Aravia, he kona ꞌi ira i poreko ai te haka tere iŋa ꞌa Mōtē. ꞌE he tāpaꞌo takoꞌa o Hērutarema o te hora nei, he kona ko te maꞌu ko te oho iŋa ꞌā e te taŋata i te haka tere iŋa ꞌa Mōtē pa he nuꞌu ꞌekaravo o rā haka tere iŋa.

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

1 Tētārōnika 5:18

ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.