Ruka 22:16 - Rapa Nui

¹⁶ ꞌĪ a au he kī atu: e ko kai haka ꞌou a au i te kai nei ꞌātā ki te tuꞌu iŋa mai o te ⌊haka tere iŋa ꞌāpī o te ꞌAtua⌋».

Ruka 22:16 ပူးပေါင်းရင်းမြစ်များ

Ruka 12:37

¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Ruka 14:15

I ŋaroꞌa era i rā vānaŋa e te taŋata e tahi o ruŋa o tū ꞌamuramaꞌa era, he kī ki a Ietū: —¡Ko te koa ꞌō i te kope ka kai era ꞌi te ao haka tere e te ꞌAtua!

Ruka 22:15

He kī e Ietū: «¡Ko pohe era ꞌana a au mo tuꞌu mai o te mahana nei mo kai o tātou i te kai o te Pakate ꞌi raꞌe ki tōꞌoku mate!

Ruka 22:18

ꞌĪ a au he kī atu: e ko unu haka ꞌou a au i te vino ꞌātā ki te tuꞌu iŋa mai o te haka tere iŋa ꞌāpī o te ꞌAtua».

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Aŋa o te ꞌĀpōtoro 10:41

Kai haka takeꞌa ki te taŋata taꞌatoꞌa, ki a mātou nō ki te nuꞌu ko haꞌataꞌa era ꞌā e te ꞌAtua mo mataꞌite i haka takeꞌa mai ai. I kai rō ꞌe i unu rō mātou ꞌi te hora era ko ora mai ꞌā mai te mate.

Meꞌe Haka Takeꞌa 19:9

He kī mai ia e te merahi: «Ka pāpaꞌi: “Ko te koa i te nuꞌu kī mo oho ki te kai o te hāipo-ipo o te Māmoe”». ꞌE he kī haka ꞌou mai: «Te vānaŋa nei he vānaŋa parautiꞌa o te ꞌAtua».