Ruka 21:8 - Rapa Nui

⁸ He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Ruka 21:8 ပူးပေါင်းရင်းမြစ်များ

Māteo 24:11

He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Ruka 17:23

Tētahi e kī rō pē nei ē: “ꞌĪ te Poki o te taŋata ꞌī aꞌa ꞌo ꞌai rā”. E uꞌi kōrua ꞌo haka roŋo rō.

Ruka 21:7

He ꞌui ia e te nuꞌu: —E te Maꞌori, ¿a hē ka topa te meꞌe ena? ¿Pē hē ka haka aŋi-aŋi mai ena ko hāhine ꞌā te meꞌe taꞌatoꞌa ena mo topa?

Ruka 21:9

Ka ŋaroꞌa ena kōrua i te parau ꞌāpī ꞌo ruŋa i te tamaꞌi ꞌe o te nuꞌu haka tumu i te ture ki te rāua nuꞌu ra-rahi, ꞌina kōrua ko riꞌa-riꞌa; ꞌi raꞌe, paꞌi, te ŋā meꞌe nei ka topa ena. Ka ai atu pē ira, e ŋeꞌi rō te tuꞌu iŋa mai o te hopeꞌa o te ao nei.

Iovani 5:43

A au i oho mai ai hai ꞌīŋoa o tōꞌoku Matuꞌa, ꞌe ꞌina kōrua he haŋa mai. ꞌE, mo oho mai e tahi kope hai ꞌīŋoa mau ꞌā ōꞌona, ki rā kope kōrua ka haka roŋo ena.

Iovani 8:24

Te tumu o tāꞌaku vānaŋa era: “he mā-mate kōrua e ko haka kore hia e te ꞌAtua i te kōrua hara” ko te meꞌe nei: mo taꞌe ai he parautiꞌa mau ꞌā mo kōrua pē nei ē: a au he kope nei e au e kī atu ena, he mā-mate kōrua ꞌi te kōrua hara.

Iovani 8:28

ꞌO ira i kī ai e Ietū: —Hora ena o kōrua ka veo ena i te ⌊Poki o te taŋata⌋ ꞌi ruŋa i te tātaurō, ka ꞌite iho ena e kōrua: a au ko tū kope kī mau atu era ꞌā e au, tāꞌaku meꞌe aŋa taꞌe hai manaꞌu ōꞌoku, ꞌe tāꞌaku meꞌe kī mau nō he meꞌe hāpī mai e tōꞌoku Matuꞌa.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

2 Tētārōnika 2:3

Te meꞌe nei ꞌāꞌaku e kī atu ena: e uꞌi kōrua ꞌo haka roŋo rō ki te reo-reo kī atu e te nuꞌu. ꞌI raꞌe, paꞌi, ki te hoki iŋa mai o Ietū, e rahi rō te nuꞌu riri mo te ꞌAtua ꞌe haka tumu i te ture ki a ia. ꞌI rā hora ka eꞌa mai ena e tahi taŋata riri taparahi-taꞌata mo te ꞌAtua, kope mōꞌona ko ai era ꞌana te ūtuꞌa he pōꞌauahi.

2 Timoteo 3:13

ꞌE te ŋāŋata aŋa i te meꞌe taꞌe tano ꞌe te nuꞌu haka tuꞌu i a rāua pa he nuꞌu haka moe i te manaꞌu ꞌi ruŋa i a Ietū pe te ꞌata taꞌe riva-riva ka oho ena; te aŋa he reo-reo he oho nō ki te taŋata ꞌe, ꞌina he aŋi-aŋi, e reo-reo takoꞌa rō ꞌana ki a rāua.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

Meꞌe Haka Takeꞌa 1:3

Te ꞌAtua he haꞌamaitai i te kope nō era mo taiꞌo i te puka nei ki te taina ⌊haka moe i te manaꞌu⌋ ꞌi ruŋa i a Ietū, ꞌe he haꞌamaitai takoꞌa i te taina taꞌatoꞌa haka roŋo ꞌe haꞌatura ki te meꞌe hāꞌaki o ruŋa nei; nā, paꞌi, ko hāhine ꞌā te hora mo topa o rā ŋā meꞌe.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.