Ruka 21:34 - Rapa Nui

³⁴ »E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 21:34 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Marko 13:9

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Ruka 10:41

He pāhono e Ietū: —E Maratuka, ko te ꞌaroha i a koe. ¿He aha e haka ŋāruru-ruru tahaŋa ena i tuꞌu pūꞌoko hai ŋā meꞌe taꞌatoꞌa ena?

Ruka 12:40

ꞌO ira, e haka rito kōrua; te Poki o te taŋata e ko aŋi-aŋi hia e kōrua ka tuꞌu rō atu ena».

Ruka 17:3

¡ꞌO ira, e uꞌi kōrua! »Mo hara o tuꞌu taina, e ture; ꞌe mo haka roŋo atu ꞌe mo haka tapa mai roto, e haka rehu tōꞌona hara.

Ruka 21:35

ꞌina kai aŋi-aŋi hia he maꞌurima i a kōrua. Rā mahana mo te taꞌatoꞌa nō taŋata ka tuꞌu mai ena.

Ruka 21:8

He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Ruka 8:14

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

1 Kōrinto 5:11

Tāꞌaku kī: nuꞌu nō era mo kī atu he taina rāua o kōrua ꞌi te haka moe iŋa i te manaꞌu ꞌi ruŋa i a Ietū, ꞌe te rāua meꞌe aŋa he moe i te viꞌe ꞌo i te taŋata taꞌe he viꞌe ꞌo he kenu ꞌāꞌana, he nou-nou, he haꞌamuri ki te ꞌītoro, he vānaŋa taꞌe tano mo te rua, he rava taꞌero, ꞌo he toke, ꞌina kōrua ko ai he repahoa o rāua, ꞌe ꞌina ko kai ꞌi muri.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

ꞌEvereo 12:15

E uꞌi takoꞌa ꞌo hārui e tahi o kōrua i te riva rahi o te ꞌAtua hai tuaꞌivi, ꞌo tuꞌu rō pa he tumu hua o te meꞌe maŋeo. Te kope pē ira he haka tupu i te manaꞌu taꞌe tano ꞌi roto i te tētahi nuꞌu.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

2 Pētero 3:14

ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.