Ruka 21:25 - Rapa Nui

²⁵ »E ai rō te taipe ꞌi ruŋa i te raꞌā, ꞌi ruŋa i te māhina ꞌe ꞌi ruŋa i te hetuꞌu, ꞌe te taŋata taꞌatoꞌa o te ao e mira-mira rō te manaꞌu ꞌe e riꞌa-riꞌa rō ꞌi te heruru taparahi-taꞌata o te vave ꞌe o te vaikava.

Ruka 21:25 ပူးပေါင်းရင်းမြစ်များ

Māteo 24:29

»Ki oti te mahana o rā ŋā ꞌati, he pōhāhā te raꞌā, e ko māꞌeha haka ꞌou te māhina, he vī-viri te hetuꞌu, ꞌe he rurū tahi te meꞌe o te raŋi.

Māteo 27:45

I tano era te hora kai, he pōhāhā tahi te henua ꞌātā ki te hora toru o te ahi-ahi.

Marko 13:24

»Ki oti te mahana o rā ŋā ꞌati, he pōhāhā te raꞌā ꞌe e ko māꞌeha haka ꞌou te māhina;

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Marko 15:33

I tano era te hora kai, he pōhāhā tahi te henua ꞌātā ki te hora toru o te ahi-ahi.

Ruka 21:24

E ai rō te nuꞌu o ira ka mate ena ꞌi te hoe, ꞌe tētahi atu he ꞌa-ꞌaru he maꞌu ki te rua henua; he tōtōā i a Hērutarema ꞌe he haka tere e te nuꞌu taꞌe he hūrio ꞌātā ki te roa o te mahana i haꞌatiꞌa e te ꞌAtua.

Ruka 21:26

Te nuꞌu e re-rehu rō ꞌi te riꞌa-riꞌa he manaꞌu ki te meꞌe ka topa era ki te ao; te meꞌe o te raŋi, paꞌi, e rū-rū tahi rō.

Aŋa o te ꞌĀpōtoro 2:19

E haka takeꞌa rō e au a ruŋa i te raŋi i te meꞌe nui-nui; ꞌe ꞌi ruŋa i te henua he toto, he ahi ꞌe he ꞌau.

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.