Ruka 21:20 - Rapa Nui

²⁰ »Ka takeꞌa ena e kōrua ko haka vari tahi ꞌā a Hērutarema e te vaꞌehau o te rua henua, e ꞌite: ko hāhine ꞌā te hora he haka pararaha i rā kona.

Ruka 21:20 ပူးပေါင်းရင်းမြစ်များ

Māteo 24:15

»Te perofeta era ko Taniera ko pāpaꞌi ꞌana o ruŋa o te kope ko ia te meꞌe ka hano-hano ꞌe ka ꞌenemī ena e te ꞌAtua. Ka takeꞌa ena e kōrua te māroa iŋa o rā kope ꞌi te kona moꞌa, te auraꞌa, ꞌi te Kona Haꞌamuri ꞌAtua (te kope taiꞌo, ¡e aŋi-aŋi!),

Marko 13:14

»Nā e tuꞌu rō te mahana te kope ko ia te meꞌe ka hano-hano ꞌe ka ꞌenemī ena e te ꞌAtua he oho he noho ꞌi te ⌊Kona ꞌAta Moꞌa⌋ o te Kona Haꞌamuri ꞌAtua, he kona ꞌina a ia ko ai ꞌi ira. (Te kope taiꞌo i te meꞌe nei e aŋi-aŋi riva-riva). »Ka topa ena te meꞌe nei, te nuꞌu noho o Hūrea e tē-tere a te kona maꞌuŋa;

Ruka 19:43

Nā e ai rō te mahana taꞌe au mōꞌou. Te nuꞌu taꞌe haŋa atu e puru e haka vari tahi rō i a koe ꞌe e tamaꞌi rō atu; e ko ravaꞌa koe mo tere.

Ruka 21:7

He ꞌui ia e te nuꞌu: —E te Maꞌori, ¿a hē ka topa te meꞌe ena? ¿Pē hē ka haka aŋi-aŋi mai ena ko hāhine ꞌā te meꞌe taꞌatoꞌa ena mo topa?

ꞌEvereo 11:30

He haka moe o te itaraera i te manaꞌu ꞌi ruŋa i te ꞌAtua i haka teka i haka vari ai e hitu mahana a te kona era ko Herikō, ꞌe he marua tahi rō ꞌai te ꞌāua ruŋa nui puru o ira.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.