Ruka 21:15 - Rapa Nui

¹⁵ Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

Ruka 21:15 ပူးပေါင်းရင်းမြစ်များ

Ruka 12:12

Ka tuꞌu ena te hora mo vānaŋa o kōrua, mo te Vārua Maitai e kī atu pē hē ana kī».

Ruka 21:16

»ꞌI rā ŋā mahana ꞌātā te kōrua matuꞌa, taina, huaꞌai ꞌe repahoa he vaꞌai i a kōrua ki te rima o te nuꞌu taꞌe haŋa atu. ꞌE tētahi o kōrua e tiŋaꞌi e haka mate rō.

Ruka 24:45

He haka aŋi-aŋi ia ki tū nuꞌu era ꞌāꞌana i te haꞌaauraꞌa o te meꞌe pāpaꞌi ꞌi ruŋa i te Pāpaꞌi Moꞌa o ruŋa i a ia,

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Aŋa o te ꞌĀpōtoro 24:25

I vānaŋa era a Pauro o ruŋa o te noho iŋa tano ki te mata o te ꞌAtua, o ruŋa i te haŋa o te ꞌAtua mo ꞌite o te taŋata mo hāito i te rāua meꞌe kī ꞌe i te rāua meꞌe aŋa, ꞌe o ruŋa o te ture hopeꞌa o te ꞌAtua pe muꞌa ka oho ena, he riꞌa-riꞌa rō atu ꞌai a Fēriki ꞌe he kī: «¡Ko oti ꞌā! Ka eꞌa koe ka oho. ꞌI tōꞌoku hora topa he hāꞌaki atu a au mo hoki mai ōꞌou mo vānaŋa o tāua».

Aŋa o te ꞌĀpōtoro 26:28

He pāhono e ꞌAkiripa: —¿Kai roa hia koe i manaꞌu rō ai mo haka ⌊kiritiano⌋ i a au?

Aŋa o te ꞌĀpōtoro 6:10

ꞌE, ꞌina he ravaꞌa i a ia; e vānaŋa era, paꞌi, hai mārama-rama o te Vārua Maitai.

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.