Ruka 21:12 - Rapa Nui

¹² »ꞌI raꞌe ki te topa o te ŋā meꞌe nei, he tute i a kōrua mo ꞌa-ꞌaru mo tōtōā. He maꞌu mo ture ꞌi roto i te ⌊hare pure hūrio⌋, ꞌe he puru ꞌi roto i te hare maꞌuꞌaurī. E maꞌu takoꞌa rō i a kōrua ki muꞌa o te ꞌariki ꞌe o te suerekao o ruŋa ōꞌoku.

Ruka 21:12 ပူးပေါင်းရင်းမြစ်များ

Māteo 22:6

ꞌe tētahi atu he ꞌa-ꞌaru i tū ŋā tāvini era he tōtōā ꞌātā ka mate rō.

Māteo 24:8

He haꞌamata iŋa iho rā o te ꞌati mo topa mai.

Ruka 21:11

He mākenu-kenu te henua, ꞌe meꞌe rahi nō atu kona he ai te maruaki ꞌe te māui-ui, ꞌe he takeꞌa te meꞌe taparahi-taꞌata ꞌe te taipe nui-nui ꞌi ruŋa i te raŋi.

Iovani 15:20

»E uꞌi ꞌo rehu tāꞌaku meꞌe kī atu: “ꞌIna e tahi tāvini ꞌata hau rō atu ki te kope haka aŋa i a ia”. Mo ai, paꞌi, i tute rō mai i a au mo tōtōā, he tute takoꞌa atu i a kōrua; ꞌe mo ai i haka roŋo rō ki tāꞌaku vānaŋa, he haka roŋo takoꞌa atu ki a kōrua.

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Aŋa o te ꞌĀpōtoro 22:30

ꞌI te rua mahana, ꞌi te haŋa o te kōmana mo ꞌite riva-riva he aha te hūrio e riri era mo Pauro, he uŋa he haka taka-taka i te oromatuꞌa ra-rahi ꞌe i te ⌊nūnaꞌa taŋata taꞌatoꞌa i a rāua te kī iŋa hopeꞌa o te haka tere hūrio⌋. He kume ia i tū vivi here-here era i a Pauro, ꞌe he maꞌu he haka māroa ꞌi muꞌa o rā nuꞌu.

Aŋa o te ꞌĀpōtoro 5:40

He raŋi mo maꞌu haka ꞌou i tū ŋā ꞌāpōtoro era, he haka tiŋaꞌi hai ꞌuaka, ꞌe he kī mo taꞌe vānaŋa haka ꞌou hai ꞌīŋoa o Ietū. I oti era he haka eꞌa.

Aŋa o te ꞌĀpōtoro 8:3

ꞌE a Sauro e kimi ꞌana i te nuꞌu haka moe i te manaꞌu ꞌi ruŋa i a Ietū mo tōtōā. Ki hare era, ki hare era, e uru e to-toi era i te taŋata ꞌe i te viꞌe mo haka puru ꞌi roto i te hare maꞌuꞌaurī.

Aŋa o te ꞌĀpōtoro 9:4

He hiŋa a Sauro, ꞌe he ŋaroꞌa i te reꞌo e tahi e kī ꞌā: —E Sauro, e Sauro, ¿he aha koe e kimi mai ena i a au mo tōtōā?

1 Pētero 2:13

Pa he moꞌa iŋa i te tātou Pūꞌoko Haka Tere ko Ietū Kiritō ana haꞌatura kōrua i te nuꞌu ra-rahi taꞌatoꞌa. E haꞌatura kōrua ki te ꞌariki rōmano, i a ia te tōroꞌa hopeꞌa o te nui-nui,

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.