Ruka 20:5 - Rapa Nui

⁵ He haꞌamata tū nuꞌu era he tātake ki a rāua ꞌā: «Mo kī o tātou: “O te ꞌAtua i uŋa mai”, pē nei ka kī mai era: “¿He aha ia a kōrua i taꞌe haka roŋo ai i tāꞌana vānaŋa?”.

Ruka 20:5 ပူးပေါင်းရင်းမြစ်များ

Māteo 16:7

He haꞌamata ia tū nuꞌu hāpī era ꞌa Ietū he vānaŋa ꞌi roto i a rāua ꞌā ꞌe he kī: «I kī mai ena i te vānaŋa ena ꞌo te ꞌite kai maꞌu mai tātou i te haraoa».

Ruka 20:4

¿ꞌA ꞌai i uŋa mai i a Iovani mo ⌊papatito⌋, o te ꞌAtua, ꞌo o te taŋata?

Ruka 20:6

ꞌE, e ko tano mo kī o tātou: “O te taŋata i uŋa mai”, ꞌo tamaꞌi mai e te nuꞌu hai māꞌea ki te mate. Ki te rāua manaꞌu, paꞌi, a Iovani he perofeta».

Iovani 1:30

O ruŋa i a ia tāꞌaku vānaŋa kī atu era pē nei ē: “E ko roa ka tuꞌu mai ena te taŋata ꞌata hōnui ki a au ꞌi te meꞌe era ꞌi raꞌe ki tōꞌoku poreko iŋa ko ai era ꞌana a ia”.

Iovani 1:34

Ko takeꞌa ꞌana e au i rā meꞌe, ꞌe ko au te mataꞌite: a ia he Poki o te ꞌAtua».

Iovani 3:26

He oho ia rā nuꞌu he kī ki a Iovani: —E te Maꞌori, tū kope era ꞌi muri i a koe ꞌi te rua pāꞌiŋa o te rio era ko Horotana, haka ꞌite mai era e koe o ruŋa i a ia, ꞌai e papatito ꞌana, ꞌe e rahi rō ꞌā te nuꞌu oho ki a ia.

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Aŋa o te ꞌĀpōtoro 13:25

I hāhine era a Iovani mo haka mao i rā aŋa, he kī: “Taꞌe ko au te taŋata ena e kōrua e manaꞌu ena. Nā e tuꞌu rō mai e tahi kope ꞌata hau rō atu ki a au, ꞌātā e ko tano a au ni mo kume nō i te hau o tōꞌona kirivaꞌe”.