Ruka 20:25 - Rapa Nui

²⁵ He kī e Ietū: —Ka vaꞌai ia ki te ꞌariki rōmano te meꞌe o te ꞌariki rōmano, ꞌe ki te ꞌAtua te meꞌe o te ꞌAtua.

Ruka 20:25 ပူးပေါင်းရင်းမြစ်များ

Māteo 17:27

Ka ai atu pē ira, ꞌo riri tāꞌue te nuꞌu era, ka oho ki taha tai, ka hoa te hau ki roto. Te ika raꞌe ka raꞌu atu ena, nā ꞌi te haha te tara ꞌaurī e tahi, te hauhaꞌa he peꞌe mo ꞌauhau i a tāua, ꞌe he maꞌu e koe he ꞌauhau.

Māteo 22:21

He pāhono e rā nuꞌu: —O te ꞌariki o te rōmano. He kī e Ietū: —Ka vaꞌai ia ki te ꞌariki te meꞌe o te ꞌariki, ꞌe ki te ꞌAtua te meꞌe o te ꞌAtua.

Marko 12:17

He kī ia e Ietū: —Ka vaꞌai ki te ꞌariki rōmano te meꞌe o te ꞌariki rōmano, ꞌe ki te ꞌAtua te meꞌe o te ꞌAtua. ꞌE he māere ananake ꞌi tū pāhono era.

Ruka 20:24

—Ka haka takeꞌa mai rā e tahi ⌊renario⌋. I haka takeꞌa era e te nuꞌu he ꞌui: —¿O ꞌai te ꞌāriŋa ꞌe te ꞌīŋoa ena e pāpaꞌi ena o ruŋa? He pāhono e rā nuꞌu: —O te ꞌariki o te rōmano.

Aŋa o te ꞌĀpōtoro 5:29

He pāhono e Pētero ananake ko te tētahi ꞌāpōtoro: —ꞌI raꞌe a mātou ana haꞌatura ki te ꞌAtua, ki te haꞌatura ki te taŋata.

1 Kōrinto 10:31

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.