Ruka 20:21 - Rapa Nui

²¹ Pē nei rā nuꞌu i ꞌui ai: —E te Maꞌori, ko ꞌite ꞌana a mātou: taꞌa meꞌe kī ꞌe taꞌa meꞌe hāpī he parautiꞌa. ꞌIna koe he haka tano i te vānaŋa mo haka koa i te taŋata. Te meꞌe hāpī ꞌāꞌau he ara mau ꞌana o te ꞌAtua.

Ruka 20:21 ပူးပေါင်းရင်းမြစ်များ

Māteo 22:16

He uŋa ki a Ietū i te rāua nuꞌu hāpī ananake ko te nuꞌu peꞌe ki a ⌊ꞌErore⌋ kī: —E te Maꞌori, ko ꞌite ꞌana a mātou: taꞌa meꞌe vānaŋa he parautiꞌa, e hāpī rō ꞌana koe i te ara parautiꞌa o te ꞌAtua, ꞌe ꞌina koe he haka tano i taꞌa vānaŋa ki te manaꞌu o te taŋata; taꞌe, paꞌi, mo haka koa i a rāua koe e vānaŋa ena.

Marko 12:14

He kī e rā nuꞌu: —E te Maꞌori, ko ꞌite ꞌana a mātou: taꞌa meꞌe kī he parautiꞌa. ꞌIna koe he haka tano i a koe ki te vānaŋa kī e te nuꞌu, ꞌe ꞌina koe he vānaŋa mo haka koa i a rāua. Te meꞌe hāpī ꞌāꞌau he ara parautiꞌa o te ꞌAtua. Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano? ¿E ꞌauhau ꞌo ꞌina?

Ruka 20:20

He uŋa e tū nuꞌu ra-rahi era o te hūrio i te ŋāŋata, e haka tuꞌu rō ꞌana pa he ŋāŋata riva, haka ꞌui ki a Ietū mo uꞌi i te rāveꞌa mo kī e Ietū i te vānaŋa taꞌe tano mo te rāua haka tere iŋa; pē ira he ravaꞌa e rāua i te ꞌōtohe mo ꞌa-ꞌaru ꞌe mo vaꞌai ki te rima o te suerekao rōmano mo haka ūtuꞌa.

Ruka 20:22

Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano?

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

Karatia 1:10

Ki te kōrua manaꞌu, ¿e aŋa nei a au mo koa o te taŋata ꞌo mo koa o te ꞌAtua? ꞌĀhani mo koa o te taŋata, taꞌe ia a au he tāvini o te Kiritō.

Karatia 2:6

Te nuꞌu era ko rāua te pūꞌoko haka tere o ira kai takeꞌa e tahi hape o tāꞌaku meꞌe hāpī. (ꞌE ꞌina a au he tapa atu hoki a rāua he nuꞌu ra-rahi. Te ꞌAtua, paꞌi, ꞌi te hora e uꞌi ena i te tano ꞌe i te taꞌe tano o te meꞌe aŋa e te taŋata, ꞌina he tapa atu hoki he taŋata ra-rahi ꞌo he taŋata taꞌe ra-rahi; mōꞌona pē tū huru tahi ꞌā te taŋata).