Ruka 20:17 - Rapa Nui

¹⁷ He rori a Ietū he uꞌi ki tū nuꞌu era he kī: —¿He aha ia te auraꞌa o te vānaŋa nei o ruŋa i te ⌊Pāpaꞌi Moꞌa⌋: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare”?

Ruka 20:17 ပူးပေါင်းရင်းမြစ်များ

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

Marko 10:23

He uꞌi a Ietū a ruŋa o te nuꞌu o muri i a ia, ꞌai ka kī ki tāꞌana nuꞌu hāpī: —¡Ko te aŋa riꞌa-riꞌa ꞌō mo te nuꞌu ꞌono mo oꞌo ki roto i te haka tere iŋa ꞌāpī o te ꞌAtua!

Marko 12:10

»¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te ⌊Pāpaꞌi Moꞌa⌋? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare.

Marko 3:5

I riri a Ietū i uꞌi ai ki tū nuꞌu era koia ko haka ꞌaroha ꞌi te hio-hio o te rāua māhatu. He kī ia ki tū taŋata rima rehe-rehe era: «Ka haka toro mai tuꞌu rima». I haka toro era he ora rō ꞌai tū rima era.

Ruka 19:41

I hāhine i oho era a Ietū ki Hērutarema, ꞌe i takeꞌa riva-riva era, he taŋi mo rā kona.

Ruka 22:37

»ꞌĪ a au he kī atu: e tano rō te meꞌe kī ꞌi ruŋa i te ⌊Pāpaꞌi Moꞌa⌋ o ruŋa i a au pē nei ē: “I tataku rō ꞌi roto i te nuꞌu taparahi-taꞌata”. ꞌĒ-ē, e haka tano tahi rō rā ŋā meꞌe pāpaꞌi era o ruŋa i a au.

Ruka 22:61

He hārui a Ietū he uꞌi ki a Pētero. He topa te manaꞌu o Pētero ki tū meꞌe kī era e Ietū: «ꞌArīnā mau nei ꞌā, e ko ꞌoꞌoa hia te moa, ka kī rō ena e koe e toru kī iŋa kai ꞌite koe ko ai a au».

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 15:25

Hai oho iŋa nei o rāua e haka tano ena te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “E maꞌu tahaŋa nō ꞌana i te riri mōꞌoku”.

Aŋa o te ꞌĀpōtoro 4:11

»A Ietū ko te māꞌea taꞌe haŋa era e kōrua e te nuꞌu aŋa hare, ꞌe, hora nei, ko riro ꞌana he māꞌea matuꞌa haka noho i te hare.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

1 Pētero 2:6

Pē nei, paꞌi, e kī ena ꞌi ruŋa i te ⌊Pāpaꞌi Moꞌa⌋: «He haka tuꞌu au i te māꞌea e tahi ꞌi te kona era ko ⌊Tione⌋, he māꞌea matuꞌa haka noho hare, māꞌea haꞌataꞌa e au ꞌe māꞌea hauhaꞌa rahi. Te kope ⌊haka moe i te manaꞌu⌋ ꞌi ruŋa, e ko manaꞌu ki te hora hopeꞌa ko hape ꞌana ꞌō a ia».