Ruka 20:14 - Rapa Nui

¹⁴ »I takeꞌa era e tū nuꞌu hāpaꞌo vino era i rā poki, he kī ki a rāua ꞌana: “Ko te kope era te kope ki a ia ka topa ena te henua nei. Ki toꞌo mai ki tiŋaꞌi ki haka mate mo topa rō mai ꞌai mo tātou”.

Ruka 20:14 ပူးပေါင်းရင်းမြစ်များ

Māteo 16:7

He haꞌamata ia tū nuꞌu hāpī era ꞌa Ietū he vānaŋa ꞌi roto i a rāua ꞌā ꞌe he kī: «I kī mai ena i te vānaŋa ena ꞌo te ꞌite kai maꞌu mai tātou i te haraoa».

Māteo 21:34

»I tano era te ꞌāvaꞌe mo kato, he uŋa i tōꞌona tāvini mo kī ki tū nuꞌu ꞌoka kai era mo haka maꞌu i te ꞌapa vino tano māꞌana.

Ruka 19:47

Paurō te mahana e hāpī era a Ietū ꞌi te Kona Haꞌamuri ꞌAtua. Te nuꞌu ra-rahi o te ⌊oromatuꞌa⌋, te nuꞌu ⌊maꞌori o te haka tere hūrio⌋, ꞌe te nuꞌu ra-rahi o rā kona e kimi rō ꞌā i te rāveꞌa mo tiŋaꞌi mo haka mate i a Ietū.

Ruka 20:13

»He kī ia ki a ia ꞌā tū taŋata era ōꞌona rā henua: “¿Hora nei he aha tāꞌaku meꞌe mo aŋa? ꞌĪ a au he uŋa i tāꞌaku poki haŋa rahi nei; pē ira pēaha ana moꞌa”.

Ruka 20:15

»He toꞌo ia e tū nuꞌu era i rā poki mai roto i rā henua, he maꞌu he oho he tiŋaꞌi he haka mate». —Ki te kōrua manaꞌu ia, ¿he aha te meꞌe ka aŋa era ki rā nuꞌu e te taŋata era ōꞌona rā henua?

Ruka 20:19

Tū ŋā oromatuꞌa ra-rahi era ꞌe te maꞌori o te haka tere hūrio i haŋa rō mo ꞌa-ꞌaru i a Ietū ꞌi rā hora mau ꞌā, he aŋi-aŋi: rā ꞌaꞌamu haꞌaauraꞌa era mo rāua. ꞌE, ꞌi te riꞌa-riꞌa ꞌi te taŋata, i taꞌe ꞌa-ꞌaru ai.

Ruka 20:5

He haꞌamata tū nuꞌu era he tātake ki a rāua ꞌā: «Mo kī o tātou: “O te ꞌAtua i uŋa mai”, pē nei ka kī mai era: “¿He aha ia a kōrua i taꞌe haka roŋo ai i tāꞌana vānaŋa?”.

Ruka 22:2

Te ⌊oromatuꞌa ra-rahi⌋ ananake ko te ⌊maꞌori o te haka tere hūrio⌋ e uꞌi ꞌana i te rāveꞌa pē hē ana tiŋaꞌi ana haka mate i a Ietū taꞌe e ꞌite e te taŋata he riꞌa-riꞌa ꞌi a rāua.

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.