Ruka 20:10 - Rapa Nui

¹⁰ »I tano era te ꞌāvaꞌe mo kato, he uŋa e tū taŋata era i te tāvini ki rā kona mo kī ki tū nuꞌu ꞌoka kai era mo vaꞌai i te ꞌapa vino haꞌaꞌau era ananake. He toꞌo mai e rā nuꞌu he tiŋaꞌi ka piꞌi-piꞌi rō i rā tāvini, ꞌe ꞌai ka haka hoki ꞌina e tahi meꞌe maꞌu o te rima.

Ruka 20:10 ပူးပေါင်းရင်းမြစ်များ

Ruka 13:34

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki, pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina koe he haŋa!

Ruka 20:11

»He uŋa e tū taŋata era i te tāvini haka ꞌou e tahi; pē ira takoꞌa ꞌana i meꞌe ai e tū nuꞌu era: he tiŋaꞌi koia ko vā-vā, ꞌe he haka hoki ꞌina e tahi meꞌe maꞌu o te rima.

Ruka 20:9

He haꞌamata a Ietū he ꞌaꞌamu ki te taŋata i te ꞌaꞌamu haꞌaauraꞌa nei: «E tahi taŋata he ꞌoka i tōꞌona ꞌāua hai vino. I oti era he haꞌaꞌau ananake ko te nuꞌu ꞌoka kai mo aŋa i rā henua ꞌe mo ꞌauhau ki a ia i te ꞌapa vino tano māꞌana mo te hoa henua. I oti era he eꞌa he oho ki te rua henua.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.