Ruka 2:7 - Rapa Nui

⁷ He poreko poki tane, poki ꞌatariki ꞌa Māria. He haꞌī hai kahu ꞌe he haka moe ꞌi roto i te meꞌe hāŋai puaꞌa. A rāua, paꞌi, ꞌi te kona hāpaꞌo puaꞌa, ꞌi te meꞌe ko ꞌī tahi ꞌā te hare e te taŋata.

Ruka 2:7 ပူးပေါင်းရင်းမြစ်များ

Māteo 1:25

ꞌE kai moe hia ararua pa he kenu pa he viꞌe i poreko rō ai te poki ꞌe he nape e Kōsē i te ꞌīŋoa ko Ietū.

Māteo 13:55

¿Taꞌe ꞌō a ia ko te poki era o te tāmuta, ꞌe ko ⌊Māria⌋ tōꞌona matuꞌa vahine? ¿Taꞌe ꞌō he taina o ⌊Tanatiako⌋, o ⌊Kōsē⌋, o Tīmona ꞌe o Hura?

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Ruka 10:34

He haka hāhine ki tū taŋata era, he rāꞌau hai ꞌava ꞌe hai mōrī, ꞌe he viri hai tapa kahu i te more. I oti era he haka eke ki ruŋa i te muni, he maꞌu he oho ki te hare e tahi ꞌe he noho he hāpaꞌo.

Ruka 2:6

E noho nō ꞌana ꞌi Vērene he tano te mahana o tū poki era mo poreko.

Ruka 2:8

ꞌI te kona e tahi o ꞌuta hāhine ki Vērene e noho rō ꞌā te nuꞌu e hāpaꞌo ꞌana i te rāua māmoe ꞌi te pō.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,