Ruka 2:49 - Rapa Nui

⁴⁹ He kī e Ietū: —¿He aha rā kōrua i kimi mai ai? ¿Kai ꞌite ꞌana ꞌō kōrua: māꞌaku e aŋa i te aŋa o tōꞌoku Matuꞌa?

Ruka 2:49 ပူးပေါင်းရင်းမြစ်များ

Māteo 21:12

He uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute i te nuꞌu taꞌatoꞌa hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni ꞌe pē ira takoꞌa ꞌā i te pepe o te nuꞌu hoꞌo pāroma,

Ruka 2:48

I takeꞌa era e tōꞌona nuꞌu matuꞌa, he māere ꞌe he kī e te matuꞌa vahine: —E haŋu, ¿he aha koe i aŋa mai ai i te meꞌe pē nā? Ko poto ꞌā te māua haŋu ꞌi te kimi iŋa atu i a koe.

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Iovani 5:17

Ka ai atu pē ira, he kī e Ietū ki tū nuꞌu hūrio ra-rahi era: «Tōꞌoku Matuꞌa e aŋa e oho nō ꞌā, ꞌe pē ira takoꞌa ꞌana a au».

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 8:29

Ararua māua ko te kope uŋa mai i a au; ꞌina a ia he haka rē i a au hoko tahi nō ꞌo te ai te meꞌe aŋa mau nō ꞌāꞌaku he meꞌe haŋa ꞌāꞌana.

Iovani 9:4

E ꞌōtea nō ꞌana, te auraꞌa, e ora nō ꞌā, he aŋa a tātou i te aŋa o te kope uŋa mai i a au. ꞌE, ka pō ena, te auraꞌa, ka mate ena, e ko riva haka ꞌou te taŋata mo aŋa.