Ruka 2:48 - Rapa Nui

⁴⁸ I takeꞌa era e tōꞌona nuꞌu matuꞌa, he māere ꞌe he kī e te matuꞌa vahine: —E haŋu, ¿he aha koe i aŋa mai ai i te meꞌe pē nā? Ko poto ꞌā te māua haŋu ꞌi te kimi iŋa atu i a koe.

Ruka 2:48 ပူးပေါင်းရင်းမြစ်များ

Māteo 12:46

E vānaŋa nō ꞌā a Ietū ki te nuꞌu, he tuꞌu tōꞌona matuꞌa vahine ꞌe te ŋā taina ōꞌona, e haŋa ꞌā mo vānaŋa ki a ia. ꞌE, ꞌi te noho ꞌi haho o te hare,

Ruka 2:49

He kī e Ietū: —¿He aha rā kōrua i kimi mai ai? ¿Kai ꞌite ꞌana ꞌō kōrua: māꞌaku e aŋa i te aŋa o tōꞌoku Matuꞌa?

Ruka 3:23

Ka toru ꞌahuru matahiti o Ietū i haꞌamata ai i tāꞌana aŋa. Ki te kī o te nuꞌu, a Ietū he poki ꞌa Kōsē. A Kōsē he poki ꞌa ꞌĒrī.

Ruka 4:22

Te nuꞌu taꞌatoꞌa o ira e koa rō ꞌā e vānaŋa era o ruŋa i a Ietū ꞌe ko māere tahi ꞌana ꞌi te meꞌe nehe-nehe kī e ia. He ꞌui ki a rāua ꞌā: —¿Pē hē ia te meꞌe nei? Ko tū poki era ꞌa ⌊Kōsē⌋, paꞌi, te kope nei.

Iovani 1:45

He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.