Ruka 2:25 - Rapa Nui

²⁵ ꞌI rā noho iŋa e ai rō ꞌana e tahi taŋata noho ꞌi Hērutarema te ꞌīŋoa ko Timione, taŋata tano ki te mata o te ꞌAtua, haꞌamuri ꞌe moꞌa ki a ia; he tiaki nō te aŋa ki te mahana mo haka koa e te ꞌAtua i te itaraera hai uŋa i te Kiritō. ꞌI ruŋa i a Timione te ⌊Vārua Maitai⌋ ꞌe

Ruka 2:25 ပူးပေါင်းရင်းမြစ်များ

Marko 15:43

he oho, kai riꞌa-riꞌa, a ⌊Kōsē⌋, he taŋata o Ārimatea, he kī ki a Pirato mo vaꞌai i te hakari o Ietū. Te taŋata nei he taŋata hōnui e tahi o roto o te nūnaꞌa taŋata i a rāua te kī iŋa hopeꞌa o te haka tere hūrio. A ia takoꞌa e tiaki ꞌā ki te tuꞌu iŋa mai o te ⌊haka tere iŋa ꞌāpī o te ꞌAtua⌋.

Ruka 1:41

I ŋaroꞌa era e Itapera i te ꞌaroha ꞌa Māria, he mākenu-kenu te poki o roto i a ia ꞌe he ꞌī rō ꞌai a Itapera e te pūai o te Vārua Maitai.

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Ruka 1:67

A Taharia, te matuꞌa tane o rā poki, ko oꞌo ꞌana e te pūai o te Vārua Maitai, he haꞌamata he vānaŋa hai meꞌe i haka vānaŋa e te ꞌAtua, he kī:

Ruka 2:38

He tuꞌu rā viꞌe ꞌi rā hora mau ꞌā ki te kona ꞌi ira a kuā Māria. He haꞌamata ia he māuru-uru ki te ꞌAtua ꞌe he vānaŋa o ruŋa i rā poki ki te nuꞌu taꞌatoꞌa o ira e ŋatu rō ꞌā te haŋu ki te eꞌa iŋa o Hērutarema mai roto i te meꞌe taꞌe tano.

Aŋa o te ꞌĀpōtoro 10:2

Rā kope he taŋata moꞌa ꞌe haꞌatura ki te ꞌAtua, ꞌe ananake ko te nuꞌu taꞌatoꞌa o tōꞌona hare e haꞌamuri e haꞌahana-hana era ki te ꞌAtua. ꞌE, takoꞌa, e hāꞌūꞌū rō ꞌana hai moni mo te ⌊hūrio⌋, ꞌe e pure rō ꞌā ki te ꞌAtua.

Aŋa o te ꞌĀpōtoro 10:22

He pāhono e tū nuꞌu era: —A mātou o te kape vaꞌehau ko Koronerio i uŋa mai. A ia he taŋata aŋa i te meꞌe tī-tika, haꞌamuri ki te ꞌAtua ꞌe te hūrio e haŋa rahi rō ꞌā ki a ia. O te merahi e tahi i kī mo uŋa mai ki a koe, mo oho ōꞌou ki tōꞌona hare mo haka roŋo atu ōꞌona i taꞌa meꞌe ka kī ena.

Aŋa o te ꞌĀpōtoro 2:5

ꞌI Hērutarema te ⌊hūrio⌋ haꞌamuri ꞌe haꞌatura ki te ꞌAtua o te kona taꞌatoꞌa o te ao.

Aŋa o te ꞌĀpōtoro 24:16

ꞌI te manaꞌu ōꞌoku pē ira, e uꞌi nei a au, paurō te mahana, mo tano o tōꞌoku noho iŋa ki te mata o te ꞌAtua ꞌe ꞌi muꞌa o te taŋata.

2 Pētero 1:21

Te perofeta, paꞌi, ꞌina kai vānaŋa hai manaꞌu taŋata; i vānaŋa ai hai manaꞌu o te ꞌAtua, ꞌe o te ⌊Vārua Maitai⌋ i haka vānaŋa.