Ruka 2:10 - Rapa Nui

¹⁰ He kī e te merahi: «ꞌIna kōrua ko riꞌa-riꞌa. E maꞌu mai ꞌana a au i te parau ꞌāpī riva-riva mo kōrua, he meꞌe hopeꞌa o te nui-nui mo koa o te taŋata taꞌatoꞌa.

Ruka 2:10 ပူးပေါင်းရင်းမြစ်များ

Māteo 14:27

He meꞌe e Ietū: —¡Kiahio kōrua! ¡Ko au nei! ¡ꞌIna ko mataku!

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Māteo 28:5

He kī ia e te merahi ki tū ŋā viꞌe era: «ꞌIna kōrua ko riꞌa-riꞌa. Ko ꞌite ꞌana a au e kimi ꞌana kōrua i a Ietū veo era ꞌi ruŋa i te tātaurō.

Marko 1:15

Pē nei e kī era: «Nā ko hāhine mai ꞌā te ⌊haka tere iŋa ꞌāpī o te ꞌAtua⌋; ko tano ꞌana, paꞌi, te hora kī era mo tuꞌu mai. ꞌO ira, ka huri te kōrua manaꞌu ki a ia, ka haka tapa mai roto i te hara, ꞌe ꞌai ka haka moe rō te kōrua manaꞌu ꞌi ruŋa i te roŋo riva-riva o te ꞌAtua, ki oꞌo ai a kōrua ki roto i te haka tere iŋa ꞌāpī ōꞌona».

Marko 16:15

I oho era he kī: «E oho kōrua e haka ꞌite i te ⌊roŋo riva-riva o te ꞌAtua⌋ a te henua taꞌatoꞌa.

Ruka 1:13

He kī e tū merahi era: —E Taharia, ꞌina koe ko riꞌa-riꞌa. Ko ŋaroꞌa ꞌana e te ꞌAtua i taꞌa pure, ꞌe nā he poreko mai roto i taꞌa viꞌe te poki māꞌau. Ki poreko, he nape koe i te ꞌīŋoa ko Iovani.

Ruka 1:19

He pāhono e tū merahi era: —A au ko Kapiriera, e aŋa nei ki te ꞌAtua; ꞌāꞌana i uŋa mai i a au mo vānaŋa atu ꞌe mo haka ꞌite atu i te parau ꞌāpī riva-riva nei.

Ruka 1:30

He kī e tū merahi era: —E Māria, ꞌina koe ko riꞌa-riꞌa. ꞌI ruŋa i a koe te koa o te ꞌAtua.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 8:1

I oti era he oho a Ietū meꞌe rahi kona haka ꞌite oho i te roŋo riva-riva o ruŋa o te ⌊haka tere iŋa ꞌāpī o te ꞌAtua⌋. I oho rō ꞌi muri i a ia tāꞌana nuꞌu ⌊ꞌāpōtoro⌋ e hoꞌe ꞌahuru mā piti

Aŋa o te ꞌĀpōtoro 13:32

»ꞌE ꞌī e mātou e haka ꞌite atu ena ki a kōrua i te roŋo riva-riva nei: te hōrea kī era e te ꞌAtua ki te mātou tupuna, he hūrio,

Rōmano 10:15

ꞌE ¿pē hē ana haka ꞌite ana oho i te roŋo riva-riva o te ꞌAtua mo ai ꞌina he uŋa i te kope mo haka ꞌite? E hāꞌaki rō ꞌana, paꞌi, ꞌi ruŋa i te Pāpaꞌi Moꞌa pē nei ē: «¡Ko te koa ꞌō i te meꞌe he tuꞌu mai o te nuꞌu e maꞌu rō ꞌana i te roŋo riva-riva o te ꞌAtua!».

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.