Ruka 2:1 - Rapa Nui

¹ ꞌI rā noho iŋa, he kī e Akutino, ꞌariki o te rōmano, mo haka pāpaꞌi i te nuꞌu o te henua taꞌatoꞌa ko ia te ꞌariki mo ꞌite e hia taŋata.

Ruka 2:1 ပူးပေါင်းရင်းမြစ်များ

Māteo 22:17

Ki tuꞌu manaꞌu, ¿e tano mau rō ꞌā a tātou e ꞌauhau nei i te moni kī mo ꞌauhau ki te ꞌariki o te rōmano?

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Marko 14:9

ꞌĪ a au he kī atu: ꞌi te kona taꞌatoꞌa o te ao haka ꞌite i te ⌊roŋo riva-riva o te ꞌAtua⌋, he vānaŋa takoꞌa o ruŋa i te meꞌe aŋa mai nei e ia; pē ira ka taꞌe rehu ena a ia».

Marko 16:15

I oho era he kī: «E oho kōrua e haka ꞌite i te ⌊roŋo riva-riva o te ꞌAtua⌋ a te henua taꞌatoꞌa.

Ruka 2:3

Te taŋata taꞌatoꞌa ana haka pāpaꞌi ꞌi te kāiŋa o te rāua hakaara.

Ruka 2:5

mo haka pāpaꞌi i a rāua ko ⌊Māria⌋, viꞌe ꞌāꞌana, e hānautama rō ꞌā.

Ruka 3:1

ꞌI te hoꞌe ꞌahuru mā pae matahiti o te haka tere o te ꞌariki rōmano ko Tiverio, ko Pontio Pirato te suerekao o Hūrea. ꞌA ⌊ꞌErore⌋ te haka tere a Karirea, ꞌa Feripe, taina ōꞌona, a Iturea ꞌe a Tarakonite, ꞌe ꞌa Ritania te haka tere te kona era ko Avirene.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 25:11

Mo ai tāꞌue ko aŋa ꞌana a au i te meꞌe taꞌe tano ki tano ai kōrua mo haka ūtuꞌa mai i a au hai mate, e tano nō ia mo mate ōꞌoku. ꞌE, mo ai taꞌe he parautiꞌa te rāua meꞌe tuhi mai, ꞌina e tahi taŋata i a ia te parau mo vaꞌai i a au ki a rāua. Tāꞌaku meꞌe haŋa: mo te ꞌariki rōmano mau ꞌā e ture mai i a au.

Aŋa o te ꞌĀpōtoro 25:21

ꞌE he pāhono mai: mo te tātou ꞌariki rōmano a ia e ture. ꞌO ira i haka rē ai e au. Ki tano te mahana he haka maꞌu ki Roma.

Rōmano 1:8

Te meꞌe raꞌe, he māuru-uru a au ki te ꞌAtua hai Ietū Kiritō mo kōrua taꞌatoꞌa ꞌo te ai te haka moe iŋa o kōrua i te manaꞌu ꞌi ruŋa i a Ietū e ꞌite rō ꞌana ꞌi te kona taꞌatoꞌa.

Fīripo 4:22

ꞌĪ e ꞌaroha takoꞌa atu ena te taina taꞌatoꞌa haka moe i te manaꞌu ꞌi ruŋa i a Ietū o nei. ꞌE te nuꞌu o nei aŋa ki te ꞌariki rōmano, ko rāua te meꞌe ꞌata ꞌaroha atu ki a kōrua.