Ruka 19:9 - Rapa Nui

⁹ He kī e Ietū: —ꞌI ꞌaŋarīnā te nuꞌu o te hare nei i eꞌa ai mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua; te taŋata nei, ꞌi te huri ꞌe ꞌi te haka moe i tōꞌona manaꞌu ꞌi ruŋa i te ꞌAtua, i haka takeꞌa mai ai he hakaara mau ꞌā o ⌊ꞌAparahama⌋.

Ruka 19:9 ပူးပေါင်းရင်းမြစ်များ

Ruka 13:16

ꞌE te viꞌe nei, he hakaara o ⌊ꞌAparahama⌋, ko here-here ꞌana hai māui-ui e te tātane ka hoꞌe ꞌahuru mā vaꞌu matahiti, ¿e ko tano hō mo haka ora i a ia ka ai atu he mahana haka ora?».

Ruka 13:30

Te nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe; ꞌe te nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa».

Ruka 16:24

»He raŋi ia: “E koro ko ꞌAparahama ē, ka haka ꞌaroha koe i a au. Ka uŋa a Rātaro ka haka rari i te potu o tōꞌona maŋa-maŋa rima hai vai mo haka takeꞌo i tōꞌoku ꞌarero; ꞌī a au e ꞌati atu ena ꞌi roto i te ahi nei”.

Ruka 16:30

»He pāhono e tū ꞌono era: “E ko tano pē ira, e koro ē. Mo oho e tahi taŋata e ora haka ꞌou mai te mate mo vānaŋa ki a rāua, he haka roŋo ꞌe he ⌊huri te manaꞌu ki te ꞌAtua⌋”.

Ruka 2:30

Ko takeꞌa ꞌana, paꞌi, e au te kope i a ia te mātou ora

Ruka 3:8

Ka haka tī-tika te kōrua noho iŋa ki takeꞌa riva-riva ai he parautiꞌa mau ꞌā ko ⌊huri ꞌana te kōrua manaꞌu ki te ꞌAtua⌋. ꞌE, e uꞌi ꞌo kī rō ꞌi roto i a kōrua ꞌā pē nei ē: “¡A mātou he hakaara o ⌊ꞌAparahama⌋; ꞌo ira e tano rō ꞌā a mātou ki te mata o te ꞌAtua!”. ꞌĪ a au he kī atu: te ꞌAtua e tano nō mo haka riro i te ŋā māꞌea nei he hakaara o ꞌAparahama.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Karatia 3:14

Te meꞌe nei i topa ai mo ravaꞌa takoꞌa e te nuꞌu taꞌe he hūrio, hai Ietū Kiritō, i te haꞌamaitai hōrea e te ꞌAtua ki a ꞌAparahama, ꞌe mo ai ꞌi roto i a tātou taꞌatoꞌa, hai haka moe i te manaꞌu ꞌi ruŋa i a Ietū, te Vārua Maitai hōrea mai e te ꞌAtua.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

Karatia 3:7

ꞌO ira, e ꞌite kōrua: te hakaara parautiꞌa o ꞌAparahama he nuꞌu haka moe i te rāua manaꞌu ꞌi ruŋa i te ꞌAtua.

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.