Ruka 19:5 - Rapa Nui

⁵ I vari era a ira, he hira a ruŋa he uꞌi ꞌe he kī e Ietū: «E Tākeo, ka topa koe mai ruŋa ena. ꞌArīnā ꞌi tuꞌu hare a au ka noho ena».

Ruka 19:5 ပူးပေါင်းရင်းမြစ်များ

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Ruka 19:2

ꞌI rā kona e noho era te taŋata ꞌono e tahi te ꞌīŋoa ko Tākeo, he pūꞌoko haka tere o te ⌊nuꞌu haka ꞌauhau i te taŋata hai moni mo te rōmano⌋.

Ruka 19:4

ꞌO ira i tahuti i oho ai a muꞌa, he eke ki ruŋa i te tumu pika o te tapa o te ara o te kona a ira ka vari era a Ietū.

Ruka 19:6

ꞌI tū hora ꞌā he topa a Tākeo, ko toꞌo atu ꞌā te koa, he maꞌu he oho i a Ietū.

Iovani 1:48

He ꞌui e Natanaera: —¿Pē hē koe i ꞌite ai i tōꞌoku huru? He pāhono e Ietū: —Kai piri atu ꞌana a Feripe i takeꞌa rō ai koe e au ꞌi raro i te tumu pika.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

ꞌEvereo 13:2

Nuꞌu nō era mo tuꞌu atu ki te kōrua hare e hāpaꞌo riva-riva, koiꞌite he merahi te meꞌe ka tuꞌu atu ena, pa he meꞌe i topa ki te tētahi nuꞌu.

Meꞌe Haka Takeꞌa 3:20

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.