Ruka 19:47 - Rapa Nui

⁴⁷ Paurō te mahana e hāpī era a Ietū ꞌi te Kona Haꞌamuri ꞌAtua. Te nuꞌu ra-rahi o te ⌊oromatuꞌa⌋, te nuꞌu ⌊maꞌori o te haka tere hūrio⌋, ꞌe te nuꞌu ra-rahi o rā kona e kimi rō ꞌā i te rāveꞌa mo tiŋaꞌi mo haka mate i a Ietū.

Ruka 19:47 ပူးပေါင်းရင်းမြစ်များ

Māteo 21:23

I oti era te meꞌe nei, he uru a Ietū ki roto i te Kona Haꞌamuri ꞌAtua. E hāpī nō ꞌana ꞌi roto, he haka hāhine te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌe he ꞌui: —¿ꞌA ꞌai i vaꞌai atu i te parau mo aŋa ōꞌou i te ŋā meꞌe ena e koe e aŋa ena?

Māteo 26:55

He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Marko 11:18

I ŋaroꞌa era i te meꞌe nei e te nuꞌu ⌊oromatuꞌa ra-rahi⌋ ꞌe e te nuꞌu ⌊maꞌori o te haka tere hūrio⌋, he uꞌi i te rāveꞌa mo tiŋaꞌi mo haka mate i a Ietū. A rāua, paꞌi, e riꞌa-riꞌa rō ꞌana ꞌo te ai he haka roŋo te taŋata i te meꞌe hāpī e Ietū.

Marko 12:12

ꞌI te ꞌite e te nuꞌu ra-rahi o te ⌊hūrio⌋ o ruŋa i a rāua rā ꞌaꞌamu, he haŋa mo ꞌa-ꞌaru mo puru i a Ietū. ꞌE, ꞌi te riꞌa-riꞌa ꞌi te nuꞌu, kai ꞌa-ꞌaru; he eꞌa he oho rō ꞌai rā nuꞌu ra-rahi era.

Marko 14:1

E rua mahana toe mo te ⌊ŋoŋoro he Pakate⌋, ŋoŋoro kai i te haraoa ꞌina he revaura. Te ⌊oromatuꞌa ra-rahi⌋ ananake ko te ⌊maꞌori o te haka tere hūrio⌋ e kimi ꞌana i te rāveꞌa mo ꞌa-ꞌaru hai reo-reo i a Ietū ꞌe mo tiŋaꞌi mo haka mate.

Marko 14:49

Paurō te mahana ꞌi muri i a kōrua e noho e hāpī era a au ꞌi te Kona Haꞌamuri ꞌAtua ꞌe ꞌina a kōrua kai ꞌa-ꞌaru i a au. I ai ai pē nei e haka tano ꞌā ki te meꞌe hāꞌaki ꞌi ruŋa i te Pāpaꞌi Moꞌa.

Ruka 19:48

ꞌE, ꞌo te ai he taka-taka nō te aŋa o te taŋata mo haka roŋo i tāꞌana vānaŋa, ꞌina he ravaꞌa.

Ruka 20:19

Tū ŋā oromatuꞌa ra-rahi era ꞌe te maꞌori o te haka tere hūrio i haŋa rō mo ꞌa-ꞌaru i a Ietū ꞌi rā hora mau ꞌā, he aŋi-aŋi: rā ꞌaꞌamu haꞌaauraꞌa era mo rāua. ꞌE, ꞌi te riꞌa-riꞌa ꞌi te taŋata, i taꞌe ꞌa-ꞌaru ai.

Iovani 10:39

He moko tū nuꞌu era mo ꞌa-ꞌaru i a Ietū, ꞌe ꞌina kai ravaꞌa.

Iovani 18:20

He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.

Iovani 7:19

»¿Taꞌe ꞌō ko vaꞌai atu ꞌana a ⌊Mōtē⌋ i te haka tere iŋa o te hūrio? ꞌE, ꞌina e tahi o kōrua i haꞌatura. ¿He aha ia a kōrua e haŋa ena mo tiŋaꞌi mai i a au?

Iovani 7:44

Tētahi e haŋa rō ꞌana mo ꞌa-ꞌaru mo maꞌu mo puru, ꞌe, ꞌina e tahi o rāua i rao i ꞌa-ꞌaru.