Ruka 19:44 - Rapa Nui

⁴⁴ E haka pararaha rō i a koe, e tiŋaꞌi rō i taꞌa ŋā poki, ꞌe te māꞌea taꞌatoꞌa titi i a koe e haka marere tahi rō, he taꞌe aŋi-aŋi ōꞌou i te hora tuꞌu mai o te ꞌAtua mo haka ora atu i a koe».

Ruka 19:44 ပူးပေါင်းရင်းမြစ်များ

Māteo 24:2

He kī e Ietū: «E uꞌi riva-riva te kona taꞌatoꞌa ena. ꞌĪ a au he kī atu: pe muꞌa ka oho ena e ko ai haka ꞌou e tahi māꞌea ꞌi ruŋa i te rua māꞌea. E haka marua tahi rō».

Marko 13:2

He kī e Ietū: —E uꞌi riva-riva te ŋā hare ena. Pe muꞌa ka oho ena e ko ai haka ꞌou e tahi māꞌea ꞌi ruŋa i te rua māꞌea. E haka marua tahi rō.

Ruka 1:68

«¡Ko te nui-nui i te ꞌAtua o te itaraera ꞌo te oho mai mo toꞌo i tōꞌona taŋata mai roto i te rake-rake!

Ruka 1:78

ꞌI te rahi o tōꞌona haŋa ꞌe riva ki a tātou, he uŋa mai mai te raŋi i te kope tuꞌu pa he raꞌā

Ruka 19:42

He kī: «ꞌĀhani ꞌō ko ꞌite ꞌā a koe, ka ai atu ꞌi ꞌaŋarīnā, i te meꞌe mo vaꞌai atu i te haumārū. Hora nei ko naꞌa ꞌā e te ꞌAtua ꞌo tuꞌu taꞌe haŋa mai.

Ruka 21:6

«O te meꞌe taꞌatoꞌa ena e takeꞌa ena e kōrua e ai rō te mahana e ko ai haka ꞌou e tahi māꞌea ꞌi ruŋa i te rua māꞌea. E haka marua tahi rō».

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.