Ruka 18:32 - Rapa Nui

³² E vaꞌai rō i a ia ki te rima o te nuꞌu taꞌe he hūrio, e haka ka-kata rō, e vā-vā rō ꞌe e ꞌanu-ꞌanu rō.

Ruka 18:32 ပူးပေါင်းရင်းမြစ်များ

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 20:19

ꞌe e vaꞌai rō ki te nuꞌu taꞌe he hūrio mo haka ka-kata, mo tiŋaꞌi hai ꞌuaka ꞌe mo veo ꞌi ruŋa i te tātaurō; ꞌe, ꞌi te toru mahana, he ora haka ꞌou».

Māteo 22:6

ꞌe tētahi atu he ꞌa-ꞌaru i tū ŋā tāvini era he tōtōā ꞌātā ka mate rō.

Māteo 26:67

He ꞌanu-ꞌanu e te tētahi o rā nuꞌu a te ꞌāriŋa o Ietū ꞌe he puꞌa. He puru i te mata hai kahu e te tētahi atu ꞌe he haka eke hai rima ki te ꞌāriŋa

Māteo 27:2

He maꞌu ia i a Ietū e here-here rō ꞌana he vaꞌai ki a Pirato, he suerekao rōmano.

Marko 14:65

He haꞌamata ia e te tētahi nuꞌu he ꞌanu-ꞌanu ꞌi te ꞌāriŋa o Ietū. He puru i te mata he haka eke-eke hai rima koia ko kī: «¡Ka kī mai rā ꞌa ꞌai a koe i puꞌa atu!». ꞌE he haka eke-eke takoꞌa e te mūtoꞌi hai rima ki te ꞌāriŋa.

Marko 15:1

ꞌI te pō era ꞌā, i oti era te haꞌaꞌau o te ⌊nūnaꞌa taŋata i a rāua te kī iŋa hopeꞌa o te haka tere hūrio⌋: he nuꞌu ⌊oromatuꞌa ra-rahi⌋, he nuꞌu pūꞌoko haka tere hūrio ꞌe he ⌊maꞌori o te haka tere hūrio⌋, he maꞌu i a Ietū e here-here rō ꞌā, ꞌe he vaꞌai ki a Pirato, he suerekao rōmano.

Ruka 18:33

E tiŋaꞌi rō hai ꞌuaka ꞌe e tiŋaꞌi e haka mate rō; ꞌe, ꞌi te toru mahana, he ora haka ꞌou».

Ruka 23:1

He eꞌa tahi tū nuꞌu era he maꞌu he oho i a Ietū ki muꞌa o Pirato.

Ruka 23:11

He haꞌamata ia a ꞌErore ananake ko tāꞌana mūtoꞌi he vā-vā ꞌe he haka meꞌe-meꞌe i a Ietū. He haka uru hai kahu hopeꞌa o te tau, ꞌai ka haka hoki haka ꞌou ki a Pirato.

Ruka 23:35

ꞌI ira te nuꞌu e uꞌi ꞌana; ꞌe te nuꞌu ra-rahi e haka ka-kata ꞌā: «Ko haka eꞌa ꞌana i te tētahi taŋata mai roto i te rāua ꞌati. Mo ai he ⌊Kiritō⌋ mau ꞌā ꞌe o te ꞌAtua i uŋa mai, ka haka ora i a ia ꞌā ꞌi te hora nei».

Iovani 18:22

I kī era a Ietū i te meꞌe nei, he toꞌo mai e te ꞌauario e tahi he haka eke hai rima ki te ꞌāriŋa koia ko kī: —¿Pē nā mau koe ana pāhono ki te oromatuꞌa hopeꞌa o te ra-rahi?

Iovani 18:28

He maꞌu ia i a Ietū mai te hare o Kaifā ki te hare o Pirato, he suerekao rōmano. I tuꞌu era ko hāhine ꞌana mo ꞌōtea. Te nuꞌu hūrio, ꞌo hape ki te rāua haka tere iŋa o ruŋa i te haka maꞌitaki ꞌe ꞌo taꞌe tano mo kai i te kai o te Pakate, kai uru ki roto.

Iovani 18:30

He pāhono e rā nuꞌu: —ꞌĀhani a ia taꞌe he taŋata taparahi-taꞌata, e ko maꞌu mai e mātou ki a koe.

Iovani 18:32

Te meꞌe nei i topa ai ki tano ai te meꞌe kī e Ietū pē hē a ia ka mate era.

Iovani 18:35

He pāhono e Pirato: —Taꞌe a au he hūrio ki manaꞌu ai i te meꞌe tuꞌu pē nei. O tuꞌu hau mau ena ꞌā koia ko te kōrua oromatuꞌa ra-rahi i maꞌu mai i a koe ki muꞌa i a au mo ture atu. ¿He aha taꞌa meꞌe i aŋa?

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.