Ruka 18:31 - Rapa Nui

³¹ He toꞌo ia e Ietū i tāꞌana nuꞌu hāpī, he haka tapa koia ko kī: «Nā ko ꞌite ꞌā e kōrua: ꞌī tātou e oho ꞌana ki Hērutarema. ꞌI ira ka topa tahi ena te meꞌe pāpaꞌi e te perofeta o ruŋa o te Poki o te taŋata.

Ruka 18:31 ပူးပေါင်းရင်းမြစ်များ

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 27:63

he kī: —E te suerekao, ko manaꞌu ꞌana a mātou ki te vānaŋa kī e tū reo-reo era ꞌi te hora e ora nō ꞌā pē nei ē: ꞌi te toru mahana he ora haka ꞌou a ia.

Marko 8:9

Te rahi i kai ai pa he meꞌe ena ē: e maha taꞌutini. I oti era he haka hoki i rā nuꞌu ki te rāua hare.

Ruka 10:30

He pāhono e Ietū: «E tahi taŋata ⌊hūrio⌋ he eꞌa he oho a te ara mai Hērutarema ki Herikō. He piri te nuꞌu toke-toke, he toke i tāꞌana meꞌe taꞌatoꞌa koia ko te kahu uru. He toꞌo mai he tiŋaꞌi ki te piꞌi-piꞌi. I oti era he hoa ꞌe he eꞌa he tē-tere.

Ruka 9:22

He kī ia e Ietū ki tāꞌana nuꞌu hāpī: «Te ⌊Poki o te taŋata⌋ e ŋaroꞌa rō i te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E tiŋaꞌi e haka mate rō i a ia ꞌe, ꞌi te toru mahana, he ora haka ꞌou».

Ruka 9:51

I hāhine era te mahana o Ietū mo iri ki te raŋi, he ŋatu mau rō ꞌai te haŋu mo tuꞌu ki Hērutarema.