Ruka 18:28 - Rapa Nui

²⁸ He kī e Pētero: —E Ietū, ko haka rē tahi ꞌana a mātou i te mātou meꞌe ꞌe ko oho atu ꞌā ꞌi muri i a koe.

Ruka 18:28 ပူးပေါင်းရင်းမြစ်များ

Māteo 19:27

He kī ia e Pētero: —A mātou ko haka rē tahi ꞌana i te mātou meꞌe mo nuꞌu hāpī ꞌāꞌau. ¿He aha ia te mātou meꞌe mo ravaꞌa?

Māteo 9:9

He oho ia a Ietū mai tū kona era, he takeꞌa i te taŋata e tahi te ꞌīŋoa ko Māteo e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī: «Ka oho mai koe mo taŋata hāpī ꞌāꞌaku». He eꞌa a Māteo he oho ꞌi muri.

Marko 10:28

He kī ia e Pētero: —Ko haka rē tahi ꞌā a mātou i te mātou meꞌe mo riro he nuꞌu hāpī ꞌāꞌau.

Ruka 5:11

I oho era he hoki ananake ki ruŋa i te henua, he haro i tū ŋā vaka era ki ꞌuta, he haka rē tahi i te rāua meꞌe ꞌe he oho rō ꞌai ꞌi muri i a Ietū.

Iovani 19:27

ꞌE ki tū kope hāpī era ꞌāꞌana i kī ai: «Nā tuꞌu matuꞌa vahine nā; māꞌau a ia e hāpaꞌo». ꞌE mai rā hora i hāpaꞌo ai e rā kope i te matuꞌa vahine o Ietū.

Fīripo 3:7

Te meꞌe taꞌatoꞌa ena, meꞌe manaꞌu era e au e hauhaꞌa rō ꞌā mo tano ōꞌoku ki te mata o te ꞌAtua, hora nei, ꞌo te ai ōꞌoku ꞌa Ietū Kiritō, e ꞌite nei a au meꞌe hauhaꞌa-ꞌore.