Ruka 18:23 - Rapa Nui

²³ I ŋaroꞌa era i rā vānaŋa, he māui-ui te māhatu ꞌe he haka kiva-kiva ꞌi te rahi o tōꞌona ꞌono.

Ruka 18:23 ပူးပေါင်းရင်းမြစ်များ

Māteo 19:22

I ŋaroꞌa era e rā repa i tū vānaŋa era, he māui-ui rō atu ꞌai te māhatu, ꞌe i haka kiva-kiva i eꞌa i oho ai ꞌi te rahi o tōꞌona hauhaꞌa.

Marko 10:22

I ŋaroꞌa era e rā taŋata i tū meꞌe era, he māui-ui rō atu ꞌai te māhatu, ꞌe i haka kiva-kiva i eꞌa i oho ai ꞌi te rahi o tōꞌona hauhaꞌa.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 18:24

I takeꞌa era e Ietū ko haka kiva-kiva ꞌā, he kī: —¡Ko te aŋa riꞌa-riꞌa ꞌō mo te nuꞌu ꞌono mo oꞌo ki roto i te haka tere iŋa ꞌāpī o te ꞌAtua!

Ruka 19:8

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 8:14

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

1 Iovani 2:15

E te taina, ꞌina kōrua ko haŋa ki te ao haka tere hai manaꞌu taŋata ꞌe ki te meꞌe vaꞌai mai. Mo haŋa o kōrua, ꞌina ia kōrua he haŋa ki te ꞌAtua Matuꞌa