Ruka 18:20 - Rapa Nui

²⁰ A koe ko ꞌite ꞌana i tāꞌana roŋo: ꞌIna ko taiꞌata, ꞌina ko mate te taŋata i a koe, ꞌina ko toke, ꞌina ko reo-reo ꞌe e moꞌa te matuꞌa tane ꞌe te matuꞌa vahine.

Ruka 18:20 ပူးပေါင်းရင်းမြစ်များ

Ruka 18:19

He pāhono e Ietū: —¿He aha koe e kī mai ena he taŋata riva a au? E tahi mau nō kope riva: he ꞌAtua.

Ruka 18:21

He kī e rā taŋata: —Te ŋā meꞌe taꞌatoꞌa ena ko aŋa ko oho mai era ꞌā e au mai tōꞌoku ꞌāpī iŋa ꞌana.

Rōmano 13:9

E kī rō ꞌana, paꞌi, ꞌi ruŋa: «ꞌIna ko taiꞌata, ꞌina ko tiŋaꞌi ko haka mate i te rua, ꞌina ko toke ꞌe ꞌina ko pohe ki te meꞌe o te rua». Te roŋo taꞌatoꞌa nei ꞌe te tētahi atu roŋo e tano tahi nō mo haꞌatura ōꞌou ki te roŋo mau nō nei: «E haŋa ki te rua pa he haŋa iŋa ena ꞌā ōꞌou ki a koe mau ꞌā».

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Ēfeto 6:2

ꞌĀꞌana, paꞌi, i kī ꞌi ruŋa i te ⌊Pāpaꞌi Moꞌa⌋: «E moꞌa te kōrua matuꞌa tane ꞌe te kōrua matuꞌa vahine». Te roŋo nei he roŋo raꞌe o te ꞌAtua ai o te hōrea mo te nuꞌu haꞌatura.

Kōrosa 3:20

E te ŋā poki, e haꞌatura ki te kōrua matuꞌa i te meꞌe taꞌatoꞌa, he meꞌe koa o te ꞌAtua.