Ruka 18:16 - Rapa Nui

¹⁶ He raŋi e Ietū ki tū ŋā poki era mo oho, ꞌe he kī ki tāꞌana nuꞌu hāpī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Ruka 18:16 ပူးပေါင်းရင်းမြစ်များ

Māteo 19:14

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

Ruka 18:15

ꞌI te mahana e tahi he maꞌu e te nuꞌu i te ŋā poki mo haꞌamaitai e Ietū. I takeꞌa era e te nuꞌu hāpī ꞌāꞌana, he ture ki rā nuꞌu.

Ruka 18:17

ꞌĪ a au he kī atu: te kope taꞌe haka rē mo haka tika i a ia e te ꞌAtua pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ōꞌona».

Aŋa o te ꞌĀpōtoro 2:39

Te hōrea era o ruŋa o te Vārua Maitai mo kōrua, mo te kōrua ŋā poki, ꞌe mo te nuꞌu e roa rō ꞌana, te auraꞌa, mo te nuꞌu taꞌatoꞌa kī e te ꞌAtua mo oho ki a ia.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 7:14

Te taŋata taꞌe haka moe i tōꞌona manaꞌu ꞌi ruŋa i a Ietū hāipo-ipo ki te viꞌe e haka moe rō ꞌā i te manaꞌu ꞌi ruŋa i a Ietū, he hāpaꞌo takoꞌa e te ꞌAtua ꞌo te ai ko hāipo-ipo ꞌā ki rā viꞌe; ꞌe te viꞌe taꞌe haka moe i tōꞌona manaꞌu ꞌi ruŋa i a Ietū he hāpaꞌo takoꞌa e te ꞌAtua ꞌo te ai ko hāipo-ipo ꞌana ki te taŋata e haka moe rō ꞌana i te manaꞌu ꞌi ruŋa i a Ietū. ꞌE he hāpaꞌo takoꞌa e te ꞌAtua i te rāua ŋā poki pa he ŋā poki ꞌāꞌana ꞌo te ai e tahi o rā ŋā matuꞌa o te ꞌAtua.

1 Pētero 2:2

E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.