Ruka 18:14 - Rapa Nui

¹⁴ »ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Ruka 18:14 ပူးပေါင်းရင်းမြစ်များ

Māteo 23:12

Te kope haka paka, paꞌi, i a ia, pe muꞌa ka oho ena, e haka ka-kata ꞌe e haka haꞌamā rō. ꞌE te kope taꞌe haka paka i a ia, pe muꞌa ka oho ena e haka hōnui rō.

Māteo 5:3

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Ruka 1:52

Ko hiko ꞌana i te tōroꞌa ꞌariki mai te ꞌariki, ꞌe ko haka nui-nui ꞌā i te nuꞌu tōroꞌa kore.

Ruka 10:29

ꞌE, ꞌi te haŋa o tū kope era mo haka takeꞌa i a ia pa he taŋata tano, he ꞌui ki a Ietū: —¿Ko ai hō te rua taŋata mo haŋa e au?

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Rōmano 4:5

ꞌE te meꞌe he tano ki te mata o te ꞌAtua taꞌe pē ira. Te taŋata hara, paꞌi, ⌊haka moe i te manaꞌu⌋ ꞌi ruŋa i te ꞌAtua, hai riva rahi mau nō o te ꞌAtua e kī ena he kope tano ki tōꞌona mata ꞌe taꞌe ꞌō hai meꞌe aŋa e rā kope.

Rōmano 5:1

ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 8:33

¿Ko ai ia te kope mo tuhi i te hape o te nuꞌu haꞌataꞌa e te ꞌAtua? ꞌĀꞌana, paꞌi, te haka tano i a rāua ki tōꞌona mata.

Karatia 2:16

Ka ai atu pē ira, e ꞌite rō ꞌana e tātou ꞌina e tahi kope mo tano ki te mata o te ꞌAtua hai haꞌatura ki te haka tere iŋa ꞌa Mōtē. Hai haka moe mau nō i te manaꞌu ꞌi ruŋa i a Ietū ana tano te taŋata ki te mata o te ꞌAtua. ꞌO ira a mātou, te hūrio, e haka moe ena i te manaꞌu ꞌi ruŋa i a Ietū, mo tano o mātou ki te mata o te ꞌAtua hai meꞌe nei ꞌe taꞌe ꞌō hai haꞌatura ki te haka tere iŋa ꞌa Mōtē. ꞌIna, paꞌi, e tahi taŋata mo tano ki a ia hai haꞌatura ki rā haka tere iŋa.

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».