Ruka 18:12 - Rapa Nui

¹² A au e tapu rō ꞌana i te kai e rua mahana ꞌi te tāpati ꞌe e haꞌataꞌa rō ꞌana e tahi tara mōꞌou o roto o te hoꞌe ꞌahuru tara ꞌauhau mai o tāꞌaku aŋa, pa he meꞌe kī e ⌊Mōtē⌋”.

Ruka 18:12 ပူးပေါင်းရင်းမြစ်များ

Māteo 5:20

ꞌĪ a au he kī atu: mo taꞌe ai o te kōrua aŋa iŋa i te meꞌe tī-tika ki te mata o te ꞌAtua ꞌata hau ki te maꞌori o te haka tere ⌊hūrio⌋ ꞌe o te ⌊fariseo⌋, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 6:1

»Te kōrua meꞌe riva-riva aŋa ꞌina ko aŋa ꞌi muꞌa i te taŋata mo takeꞌa nō e rāua. Mo aŋa pē ira, te Matuꞌa o kōrua o te raŋi e ko vaꞌai atu i te meꞌe mo koa o kōrua.

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Māteo 9:14

Te nuꞌu hāpī ꞌa Iovani Papatito he haka hāhine ki a Ietū ꞌe he ꞌui: —A mātou ꞌe te fariseo e tapu rahi rō ꞌā i te kai. ¿He aha taꞌa nuꞌu hāpī e taꞌe tapu ena?

Ruka 11:42

»¡Ko te ꞌaroha i a kōrua, e te fariseo ē! O roto o te hoꞌe ꞌahuru ꞌapa o te meꞌe haka ꞌeo kai ꞌe o te tētahi atu meꞌe ꞌoka mo kai, e haꞌataꞌa ena e tahi o rā ŋā ꞌapa mo te ꞌAtua, pa he meꞌe kī ꞌi ruŋa i te ⌊haka tere iŋa ꞌa Mōtē⌋. Ka ai atu pē ira, ꞌina kōrua he aŋa i te meꞌe haŋa mau e ia, ko te meꞌe ena: he aŋa i te meꞌe tī-tika ꞌe he haŋa ki a ia. He ŋā meꞌe nei te meꞌe o kōrua mo aŋa, ꞌe ꞌina ko taꞌe aŋa te meꞌe raꞌe era.

Ruka 17:10

»Pē ira takoꞌa ꞌā mo kōrua. Ka oti ena te aŋa taꞌatoꞌa kī atu e te ꞌAtua mo aŋa, e manaꞌu kōrua: “A mātou he tāvini. Te meꞌe mau nō o mātou i aŋa he haꞌatura ꞌe he aŋa i te meꞌe kī mai e ia; ꞌo te aha nō ana māuru-uru mai”».

Rōmano 3:27

Mo ai ia pē ira, ¿e riva rō tātou mo teꞌo-teꞌo ꞌi muꞌa o te ꞌAtua o ruŋa i te tātou meꞌe aŋa? ꞌIna. ¿ꞌO te aha? ꞌO te ai hai haka moe nō o tātou i te manaꞌu ꞌi ruŋa i a Ietū te ꞌAtua e kī ena e tano rō ꞌana tātou ki tōꞌona mata, taꞌe ꞌō hai haꞌatura ki te haka tere iŋa ꞌa Mōtē.

1 Kōrinto 1:29

ꞌO ira, ꞌina e tahi kope mo haka paka i a ia ꞌi muꞌa i te ꞌAtua.

Karatia 1:14

ꞌI rā noho iŋa, i hau rō atu a au ꞌi te haka kē ki te tētahi nuꞌu o tōꞌoku taŋa mo maꞌu i te hāpī haka rē mai e te mātou tupuna.

Ēfeto 2:9

ꞌe taꞌe ꞌō ꞌo te aŋa o tātou i te meꞌe riva-riva. ꞌO ira ꞌina e tahi kope mo teꞌo-teꞌo ꞌo te eꞌa ōꞌona mai te ūtuꞌa o te hara.

1 Timoteo 4:8

Te haka aŋa i te hakari mo haka hio-hio e hauhaꞌa rō ꞌā, ꞌe te ꞌite mo moꞌa ꞌe mo haꞌatura ki te ꞌAtua ꞌata hau rō atu i te hauhaꞌa, ꞌe taꞌe mo te noho iŋa ꞌi te ao nō nei, pē ira ꞌana mo te noho iŋa ka oho mai ena.