Ruka 18:10 - Rapa Nui

¹⁰ «He oho e rua taŋata he pure ꞌi te Kona Haꞌamuri ꞌAtua: e tahi he ⌊fariseo⌋, ꞌe te rua he taŋata haka ꞌauhau i te nuꞌu hai moni mo te rōmano.

Ruka 18:10 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Ruka 19:46

ꞌe he kī: «Nā ꞌi ruŋa i te ⌊Pāpaꞌi Moꞌa⌋ e hāꞌaki ena te vānaŋa o te ꞌAtua pē nei ē: “Tōꞌoku hare e kī rō: ‘he hare mo pure’”, ꞌe ko haka riro ꞌā e kōrua he ꞌana o te toke-toke».

Aŋa o te ꞌĀpōtoro 26:5

A rāua takoꞌa e ꞌite rō ꞌā pē nei ē: mai tōꞌoku ꞌāpī iŋa ꞌā a au he ⌊fariseo⌋, he nūnaꞌa taŋata haꞌatura ꞌātā ki te meꞌe hopeꞌa o te ꞌiti-ꞌiti o te tātou haka tere iŋa. ꞌE mo te nuꞌu mau ena ꞌā e kī atu he parautiꞌa, ana haŋa a rāua.

Aŋa o te ꞌĀpōtoro 3:1

E tahi mahana he oho a Pētero ararua ko ⌊Iovani⌋ ki te ⌊Kona Haꞌamuri ꞌAtua⌋ ki te pure o te hora toru o te ahi-ahi.

Fīripo 3:5

He ⌊hūrio⌋, paꞌi, a au ꞌe e vaꞌu mahana o tōꞌoku poreko i hore ai i te kiri o tōꞌoku hua tano ki te mātou haka tere iŋa. ꞌE, takoꞌa, he hakaara a au o ⌊Mēhāmina⌋, poki o te mātou tupuna ko Hākovo, kī takoꞌa ko ⌊Itaraera⌋. Te kī ꞌāꞌaku: he ⌊ꞌevereo⌋ a au, poki o te nuꞌu ꞌevereo. ꞌE, ꞌi raꞌe ki te haka moe ōꞌoku i te manaꞌu ꞌi ruŋa i a Ietū, he ⌊fariseo⌋ a au, taŋata ꞌata haꞌatura ki te ⌊haka tere iŋa o te ꞌAtua haka pāpaꞌi ki a Mōtē⌋