Ruka 17:6 - Rapa Nui

⁶ He pāhono e Ietū: «ꞌĀhani te kōrua haka moe iŋa o te manaꞌu ꞌi ruŋa i te ꞌAtua korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te tumu nei: “Ka oꞌi tuꞌu aka, ꞌai ka oho ka ꞌoka rō ꞌi roto i te vaikava”, ꞌe he haꞌatura atu.

Ruka 17:6 ပူးပေါင်းရင်းမြစ်များ

Māteo 14:29

—Ka oho mai —i kī ai e Ietū. He topa a Pētero mai ruŋa i te vaka, he haꞌamata he haꞌere a ruŋa i te vai pe te kona era ꞌi ira a Ietū.

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 21:21

He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.

Marko 4:31

Hai karu mostasa, karu hopeꞌa o te ꞌiti-ꞌiti.

Marko 9:23

He kī e Ietū: —¿He aha te vānaŋa ena: «mo ai e ravaꞌa rō e koe»? ¡Taꞌatoꞌa meꞌe e ravaꞌa nō e te kope haka moe i te manaꞌu ꞌi ruŋa i te ꞌAtua!

Ruka 13:19

Hai karu mostasa ꞌiti-ꞌiti: ka ꞌoka era e te taŋata ꞌi ꞌuta, he tupu, he nui-nui, he riro he tumu ꞌe he aŋa e te manu i te rāua hakapupa ꞌi ruŋa».

Ruka 17:7

»Mo ai e tahi o roto o kōrua e ai rō ꞌana tōꞌona tāvini e hoki mai ꞌā mai ꞌuta mai te ꞌārote iŋa ꞌo mai te hāpaꞌo iŋa i te māmoe, ¿e kī mau rō ki rā tāvini: “Ka uru mai ka noho, ki ao atu tāꞌau o te kai”?

Ruka 19:4

ꞌO ira i tahuti i oho ai a muꞌa, he eke ki ruŋa i te tumu pika o te tapa o te ara o te kona a ira ka vari era a Ietū.

Ruka 7:13

I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Ruka 7:19

ꞌe he haka uŋa mo ꞌui ki a Ietū hoki ko ia mau ꞌā te ⌊Kiritō⌋, kope era mo tuꞌu mai, ꞌo e tiaki nō ki te rua.

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.