Ruka 17:30 - Rapa Nui

³⁰ »Pē ira takoꞌa ꞌā ꞌi te mahana ka tuꞌu haka ꞌou mai ena te Poki o te taŋata.

Ruka 17:30 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 24:3

He iri ia a kuā Ietū ki ruŋa i te Maꞌuŋa o te ꞌŌrivo. I tuꞌu era he noho a Ietū, ꞌe he haka hāhine tāꞌana nuꞌu hāpī, he ꞌui koroꞌiti mo rāua ꞌā: —E haŋa rō ꞌana a mātou mo kī mai ōꞌou a hē ka topa tū meꞌe era. ¿He aha te taipe ka topa ena mo ꞌite ko hāhine ꞌā tuꞌu hoki iŋa mai ꞌe te paꞌo iŋa o te ao?

Māteo 24:37

»Te noho iŋa o te taŋata ꞌi te ŋā mahana era ko hāhine ꞌā mo hoki mai o te Poki o te taŋata pa he noho iŋa ꞌā o te nuꞌu ꞌi te hora o Nōē.

Māteo 24:39

ꞌE ꞌina kai manaꞌu hia i topa rō ai te ꞌati o te ꞌua ꞌe he mā-mate tahi rō ꞌai. Pē ira takoꞌa ꞌā ka topa ena ꞌi te hora o te hoki iŋa haka ꞌou mai o te Poki o te taŋata.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Ruka 17:24

Pa he māꞌeha iŋa o te ꞌuira e takeꞌa ena e te taŋata ꞌi te kona taꞌatoꞌa, pē ira ka takeꞌa ena e te nuꞌu te hoki iŋa mai o te Poki o te taŋata.

Ruka 17:29

ꞌE, i eꞌa era a Rota mai ⌊Tōroma⌋, he hoa mai mai te raŋi te ahi ꞌe te azufre, ꞌe he mā-mate tahi rō ꞌai te nuꞌu o ira.

Ruka 21:22

»Rā ŋā mahana he mahana o te ūtuꞌa, he mahana haka tano i te meꞌe taꞌatoꞌa kī ꞌi ruŋa i te ⌊Pāpaꞌi Moꞌa⌋.

Ruka 21:27

»ꞌI rā hora he takeꞌa i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

1 Kōrinto 1:7

ꞌO ira, e tiaki nō ena kōrua ki te mahana o te hoki iŋa haka ꞌou mai o te tātou Pūꞌoko Haka Tere ko Ietū Kiritō, e ko hape mai i a kōrua e tahi meꞌe o te meꞌe taꞌatoꞌa vaꞌai e te ꞌAtua ki tāꞌana nuꞌu mo aŋa i tāꞌana aŋa.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Pētero 4:13

Te tano mau: e koa kōrua ꞌo te ꞌamo takoꞌa i te mamae tuꞌu pa he mamae ꞌamo e te ⌊Kiritō⌋, ki rahi ai te kōrua koa ꞌi te hora ka haka takeꞌa mai ena i tōꞌona nui-nui.

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.