Ruka 17:29 - Rapa Nui

²⁹ ꞌE, i eꞌa era a Rota mai ⌊Tōroma⌋, he hoa mai mai te raŋi te ahi ꞌe te azufre, ꞌe he mā-mate tahi rō ꞌai te nuꞌu o ira.

Ruka 17:29 ပူးပေါင်းရင်းမြစ်များ

Ruka 17:28

»Pē ira takoꞌa ꞌā te noho iŋa o te nuꞌu ꞌi te hora o ⌊Rota⌋: e kai ꞌā, e unu ꞌā, e hoꞌo ꞌā, e hoꞌo mai ꞌā, e ꞌoka ꞌā i te kai ꞌe e aŋa ꞌana i te hare.

Ruka 17:30

»Pē ira takoꞌa ꞌā ꞌi te mahana ka tuꞌu haka ꞌou mai ena te Poki o te taŋata.

2 Pētero 2:6

ꞌE te ŋā kona era ko ⌊Tōroma⌋ ꞌe ko ⌊Kōmora⌋ i haka ūtuꞌa rō e te ꞌAtua hai ahi ꞌātā ka topa rō he ꞌeo-ꞌeo, mo haka takeꞌa he aha te meꞌe mo topa ki te nuꞌu aŋa i te meꞌe taꞌe tano.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.

Meꞌe Haka Takeꞌa 11:8

He haka rē i te rāua hakari ꞌi te kona taka-taka taŋata o te kona nui-nui ena ko Hērutarema, kona veo era ꞌi ruŋa i te tātaurō i te tātou Pūꞌoko Haka Tere, kona e kī takoꞌa rō ꞌana ko ⌊Tōroma⌋ ꞌo ko Ehipto he ꞌi-ꞌino o te nuꞌu o ira.

Meꞌe Haka Takeꞌa 14:10

e unu rō i te ꞌava taꞌe ꞌānoꞌi o te ꞌAtua, te auraꞌa, e haka ūtuꞌa rō e te ꞌAtua hai ūtuꞌa taparahi-taꞌata. ꞌE ꞌi muꞌa o te merahi ꞌe o te Māmoe e haka māui-ui rō e te ꞌAtua hai ahi ꞌe hai azufre.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.