Ruka 17:28 - Rapa Nui

²⁸ »Pē ira takoꞌa ꞌā te noho iŋa o te nuꞌu ꞌi te hora o ⌊Rota⌋: e kai ꞌā, e unu ꞌā, e hoꞌo ꞌā, e hoꞌo mai ꞌā, e ꞌoka ꞌā i te kai ꞌe e aŋa ꞌana i te hare.

Ruka 17:28 ပူးပေါင်းရင်းမြစ်များ

Māteo 21:12

He uru a Ietū ki roto i te ⌊Kona Haꞌamuri ꞌAtua⌋ ꞌe he haꞌamata he tū-tute i te nuꞌu taꞌatoꞌa hoꞌo o roto. He toꞌo mai he huri i te ꞌamuramaꞌa taꞌatoꞌa o te nuꞌu taui moni ꞌe pē ira takoꞌa ꞌā i te pepe o te nuꞌu hoꞌo pāroma,

Ruka 17:27

E kai nō ꞌana, e unu nō ꞌā ꞌe e ⌊hāipo-ipo⌋ nō ꞌana te taŋata i tano rō ai te hora o Nōē mo uru ki roto i te pahī, ꞌe he haꞌamata he hoa te ꞌua ꞌe he mā-mate tahi rō ꞌai.

Ruka 17:29

ꞌE, i eꞌa era a Rota mai ⌊Tōroma⌋, he hoa mai mai te raŋi te ahi ꞌe te azufre, ꞌe he mā-mate tahi rō ꞌai te nuꞌu o ira.