Ruka 17:25 - Rapa Nui

²⁵ Ka ai atu pē ira, ꞌi raꞌe te Poki o te taŋata ka ꞌamo ena i te ꞌati ꞌe i te mamae ꞌi roto i tōꞌona māhatu, he taꞌe haŋa e te nuꞌu o te hora nei.

Ruka 17:25 ပူးပေါင်းရင်းမြစ်များ

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

Marko 10:33

«Nā ko ꞌite ꞌā e kōrua: ꞌī tātou e oho ꞌana ki Hērutarema. ꞌI ira ka vaꞌai ena i te ⌊Poki o te taŋata⌋ ki te rima o te nuꞌu ⌊oromatuꞌa ra-rahi⌋ ꞌe ki te nuꞌu ⌊maꞌori o te haka tere hūrio⌋. E haꞌaꞌau rō ꞌi roto i a rāua te ūtuꞌa mōꞌona he mate, ꞌe e vaꞌai rō ki te rima o te nuꞌu taꞌe he hūrio.

Marko 12:10

»¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te ⌊Pāpaꞌi Moꞌa⌋? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare.

Marko 8:31

He haꞌamata he haka ꞌite e Ietū ki tū nuꞌu hāpī era ꞌāꞌana: te ⌊Poki o te taŋata⌋ e tōtōā rō, e oꞌo rō e te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. I haka ꞌite takoꞌa rō pē nei ē: e tiŋaꞌi e haka mate rō i a ia ꞌe, ꞌi te toru mahana, he ora haka ꞌou.

Marko 9:31

ꞌo te ai e hāpī ꞌana i tāꞌana nuꞌu. E kī era: «Te Poki o te taŋata e vaꞌai rō ki te rima o te taŋata, e tiŋaꞌi e haka mate rō ꞌe, ꞌi te toru mahana, he ora haka ꞌou».

Ruka 18:31

He toꞌo ia e Ietū i tāꞌana nuꞌu hāpī, he haka tapa koia ko kī: «Nā ko ꞌite ꞌā e kōrua: ꞌī tātou e oho ꞌana ki Hērutarema. ꞌI ira ka topa tahi ena te meꞌe pāpaꞌi e te perofeta o ruŋa o te Poki o te taŋata.

Ruka 18:33

E tiŋaꞌi rō hai ꞌuaka ꞌe e tiŋaꞌi e haka mate rō; ꞌe, ꞌi te toru mahana, he ora haka ꞌou».

Ruka 24:46

he kī: «Pē nei i pāpaꞌi ai: e mate rō te Kiritō, e ora haka ꞌou rō ꞌi te toru mahana,

Ruka 9:22

He kī ia e Ietū ki tāꞌana nuꞌu hāpī: «Te ⌊Poki o te taŋata⌋ e ŋaroꞌa rō i te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E tiŋaꞌi e haka mate rō i a ia ꞌe, ꞌi te toru mahana, he ora haka ꞌou».

Iovani 1:11

Ki te ao aŋa era e ia i oho mai ai, ꞌe kai tapa atu e te rahi raꞌa o tōꞌona taŋata.

Iovani 12:38

Hai meꞌe nei i tano ai te meꞌe pāpaꞌi e te perofeta era ko ꞌItaia pē nei ē: «E te ꞌAtua, ¿e ai rō ꞌana hō te nuꞌu haka roŋo ꞌe haꞌatura ki te tāua roŋo? ¿E ai rō ꞌana hō te nuꞌu haŋa mo aŋi-aŋi: he pūai ōꞌou te meꞌe takeꞌa ena e rāua?».