Ruka 17:24 - Rapa Nui

²⁴ Pa he māꞌeha iŋa o te ꞌuira e takeꞌa ena e te taŋata ꞌi te kona taꞌatoꞌa, pē ira ka takeꞌa ena e te nuꞌu te hoki iŋa mai o te Poki o te taŋata.

Ruka 17:24 ပူးပေါင်းရင်းမြစ်များ

Māteo 24:27

Pa he ꞌana-ꞌana o te ꞌuira e takeꞌa ena mai te pāꞌiŋa eꞌa o te raꞌā ki te pāꞌiŋa topa, pē ira ka takeꞌa ena e te nuꞌu te hoki iŋa mai o te ⌊Poki o te taŋata⌋.

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Māteo 5:15

ꞌIna he nuꞌu haka pura i te hakariꞌi mo haka rē ꞌi raro i te ꞌavahata; e haka rē ena ꞌi te kona ruŋa nui mo haka māꞌeha i te nuꞌu taꞌatoꞌa o roto i te hare.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

1 Tētārōnika 5:2

Ko ꞌite riva-riva ꞌana, paꞌi, e kōrua: te hoki iŋa mai o te tātou Pūꞌoko Haka Tere ka tuꞌu mai ena pa he toke-toke ꞌi te hora kai manaꞌu hia.

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

2 Tētārōnika 2:8

Ki toꞌo, ka takeꞌa iho ena e te nuꞌu i rā taŋata riri taparahi-taꞌata era mo te ꞌAtua, kope ka haka kore ena e te tātou Pūꞌoko Haka Tere hai reꞌo ōꞌona ꞌe hai ꞌana-ꞌana o tōꞌona mana ꞌi te hora ka hoki mai ena.

Tanatiako 5:8

Pē ira takoꞌa ꞌana kōrua, e ꞌite mo tiaki ki tōꞌona tuꞌu iŋa mai e haka hio-hio rō ꞌana i te manaꞌu ꞌi ruŋa i a ia. E ko roa, paꞌi, ka tuꞌu haka ꞌou rō mai ena te tātou Pūꞌoko Haka Tere.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.